Նախագահ Ալիևն իր վերջին ելույթում կոպտորեն խախտել է Սոչիի եռակողմ հայտարարության մեջ ամրագրված ուժի սպառնալիքից կամ ուժի կիրառումից զերծ մնալու պայմանագիրը։ Այս մասին գրում է ՀՀ վարչապետն իր թվիթերյան միկրոբլոգում:
«Տարօրինակ կերպով նա մեղադրում է Հայաստանին փոխհամաձայնեցված հայտարարությունները խախտելու մեջ»,- գրում է Փաշինյանը։
Հիշեցնենք, որ երեկ Նիկոլ Փաշինյանը կառավարության նիստում ասաց, որ երկու օր առաջ Ադրբեջանի նախագահ Իլհամ Ալիևի հայտարարությունները ևս մեկ անգամ ապացուցում են, որ Ադրբեջանի իշխանությունների աշխարհաքաղաքական հավակնությունները շարունակում են սպառնալիք լինել Հարավային Կովկասի, և ավելի լայն՝ տարածաշրջանի անվտանգության և կայունության համար: