Гісторыя тытула Беззаганнага Зачацця Найсвяцейшай Панны Марыі ў Лідзе пачынаецца 350 гадоў таму, калі 20 мая 1672 кармеліты атрымалі ад пана Адама Нарбута і яго жонкі Кацярыны першы фундуш на Касцёл. Далей гэты фундуш пашыраўся дзякуючы жыхарам Ліды і ў 1684 годзе ўсе фундацыі зацвердзіў кароль Ян ІІІ Сабескі. Менавіта тады і пачалося будаўніцтва новай святыні. Яно доўжылася доўгі час, так адбылося бо ішла паўночная вайна іпадчас якой храм моцна пацярпеў.
І вось 5 верасня 1714 года новая святыня кармелітаў была асвечана віленскім біскупам Канстанцінам Казімірам Бжастоўскім.
Новы Касцёл і кляштар кармелітаў знаходзіліся ў самым цэнтры горада ўсяго ў 108 крокаў ад Фарнага Касцёла на супрацьлеглым баку вуліцы. Гэты мураваны Касцёл праіснаваў без перабудоў да 1835 года, калі 6 верасня ён быў зачынены расейскім царскім указам. У выніку з кляштара зрабілі вайскоскі шпіталь, а будынак Касцёла быў кінуты і з часам разбураўся. А ў 1908 годзе будынак храм быў разабраны на матэрыялы. Цэгла з мураў святыні выкарыстоўвалась для будаўніцтва кашараў паўночнага вайсковага гарадка.
Але гісторыя тытула былой кармеліцкай святыні ў Лідзе на гэтым не скочылася. Пройдзе не адзін дзясятак гадоў і ў 1933 годзе намаганнямі ксёндза Станіслава Мажэйка ў прадмесце Ліды Слабадзе з'явілася новая самастойная парафія. Гэтая парафія мела назву Беззаганнага Зачацця Найсвяцейшай Панны Марыі.
Так у Лідзе на скрыжаванні вуліц Райскай і Поўнай з'явіўся новы драўляны двухвежавы храм. Гэты драўляны храм працягваў сваю працу падчас міжваеннай Польшчы і ў савецкі перыяд. Цікава, што месца ў Слабадзе, дзе знаходзіцца храм пачало абрастаць высотнымі будынкамі, але храм застаўся некранутым.
А ў 1993 годзе пачалося будаўніцтва новага Касцёла з чырвонай цэглы. За аснову быў узяты праект храма ў Польскім горадзе Пётркаў-Трыбунальскі. Пераробкай праекта займаўся архітэктар Васілеўскі.
А 7 снежня 2002 года новазбудаванную святыню асвяціў гродзенскі біскуп Аляксандр Кашкевіч. Цікава, што калі мне ўдалося пабываць у Лідзе, то і стары драўляны храм, які схаваўся ў двары сярод шэрых будынкаў-панэлек працягвае сваю дзейнасць, але ўжо ў якасці капліцы.
Дзякуй Вам, што даглядзелі і дачыталі гэты допіс. Калі Вам падабаўся допіс, калі ласка, падпісывайцеся на мой канал, будзе яшчэ шмат чаго цікавага і таксама не забывайцеся паставіць лайк да гэтага допіса.