Հոկտեմբերի 27-ին ՀՀ ԱԳ նախարար Արարատ Միրզոյանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ: ՀՀ ԱԳՆ-ից ներկայացնում են հեռախոսազրույցի մանրամասները։
Հեռախոսազրույցի ընթացքում կողմերը մտքեր են փոխանակել հոկտեմբերի 28-ին նախատեսված Հավաքական անվտանգության խորհրդի արտահերթ նիստի օրակարգի և քննարկվելիք հարցերի շուրջ: Նախարար Միրզոյանն ընդգծել է ՀԱՊԿ կոնկրետ ջանքերի կարևորությունը՝ ուղղված ՀՀ ինքնիշխան տարածքից ադրբեջանական զինված ուժերի դուրսբերմանը:
Հայաստանի և Ռուսաստանի արտգործնախարարները քննարկել են նաև տարածաշրջանային անվտանգությանը և կայունությանը վերաբերող հարցեր:
Ավելի վաղ հայտնել էինք, որ ՀԱՊԿ-ի խորհրդի արտահերթ նստաշրջանում կքննարկվի հայ-ադրբեջանական սահմանին տիրող իրավիճակը։
Armenia Today-ը հայտնել էր նաև, որ Ռուսաստանի նախագահ Վլադիմիր Պուտինը նախատեսում է ուրբաթ օրը մասնակցել ՀԱՊԿ անդամ երկրների ղեկավարների հանդիպմանը:
Լրացուցիչ տեղեկությունների համար այցելեք կայք