Ամերիկայի հայ համայնքի ներկայացուցիչները բողոքի ակցիա են անցկացրել Փենսիլվանիայից Սենատի թեկնածու, թուրքական ծագումով ամերիկացի հեռուստահաղորդավար Մեհմեթ Օզի դեմ: Այս մասին հայտնում են Ամերիկայի Հայ դատի հանձնախմբից (ANCA):
Ամերիկայի հայ համայնքի ներկայացուցիչները նրանից պահանջել են դադարեցնել Հայոց ցեղասպանության ժխտումը: Բողոքի ակցիան տեղի է ունեցել Օզի և նրա հակառակորդ, Փենսիլվանիայի ներկայիս փոխնահանգապետ Ջոն Ֆեթերմանի միջև տեղի ունեցած հեռուստաբանավեճի ժամանակ:
Բողոքի ակցիայի մասնակիցները բանավեճից առաջ իրենց մտահոգություններեն են հայտնել տեղական և միջազգային լրատվամիջոցներին: Նրանք նշել են, որ բացի Հայոց ցեղասպանությունը ժխտելուց, նա սերտ կապի մեջ է Թուրքիայի բռնապետ Ռեջեփ Էրդողանի հետ: Ակցիայի մասնակիցների կարծիքով՝ Օզի հաղթանակը ԱՄՆ Սենատում օտարերկրյա ազդեցության համար ճանապարհ կբացի:
Լրացուցիչ տեղեկությունների համար այցելեք կայք