Վարչապետի հատուկ հանձնարարություններով դեսպան Էդմոն Մարուքյանը մեկնաբանել է ԵԱՀԿ և ԵՄ առաքելությունների ժամանման հետ կապված ադրբեջանական կողմի արձագանքներին։ «Եթե դուք չեք օկուպացրել հայկական տարածքները և եթե չեք պլանավորում նոր ագրեսիա, ապա ինչո՞ւ եք այդքան նյարդայնանում Հայաստանում սպասվող միջազգային ներկայության կապակցությամբ »,-նշել է Մարուքյանը Twitter-յան իր միկրոբլոգում։
Հիշեցնենք, որ Ադրբեջանի ԱԳՆ-ն հայտարարել էր, որ ԵԱՀԿ փորձագետների առաքելությունը, որն ուղարկվում է Հայաստան սահմանամերձ շրջաններում իրավիճակի գնահատման նպատակով, չունի կազմակերպության մանդատը և պետք է գնահատվի որպես մասնավոր այց։ Արարատ Միրզոյանը Երևանում Նորվեգիայի ԱԳ նախարար Աննիկեն Հյուիթֆելդտի հետ համատեղ մամուլի ասուլիսի ժամանակ հայտարարել է, որ քննարկվում է հայ-ադրբեջանական սահմանին ՀԱՊԿ դիտորդների կողքին ԵԱՀԿ դիտորդների տեղակայման հարցը:
Լրացուցիչ տեղեկությունների համար այցելեք կայք