Հայաստանում կարևոր հանդիպում եմ ունեցել պարոն Փաշինյանի հետ՝ Հարավային Կովկասի անվտանգության, Ադրբեջանի Հանրապետության և Հայաստանի միջև սահմանգծման, օտարերկրյա ուժերի չմիջամտության վերաբերյալ: Այս մասին Twitter-յան իր միկրոբլոգում հայտնել է Իրանի ԱԳ նախարար Հոսեյն Ամիր Աբդոլլահիանը։
«Մենք կարևորում ենք Հյուսիս-Հարավ տարանցիկ ճանապարհը և երկու երկրների միջև առևտրի ու զբոսաշրջության զարգացումը։ Կապանում Իրանի գլխավոր հյուպատոսության հիմնումը այդ նպատակով է իրականացվել»,-հայտարարել է նա։
Հիշեցնենք, որ Փաշինյանն ու Աբդոլլահիանն այսօր կայացած հանդիպման ժամանակ քննարկել են երկկողմ համագործակցության ճանապարհային քարտեզը։ Զրուցակիցները քննարկել են երկկողմ հարաբերությունների օրակարգին վերաբերող հարցեր, անդրադարձել տնտեսական համագործակցությանը: Երկուստեք կարևորվել է առևտրաշրջանառության ոլորտում առկա ներուժի լիարժեք իրացումը:
Լրացուցիչ տեղեկությունների համար այցելեք կայք