Ўйин 2012 йил 27 сентябрь куни бўлиб ўтган. Бу ўйин гуруҳ босқичидаги сўнгги тур ўйини эди. Ўзбекистон гуруҳдан кейинги босқичга чиқиши учун камида дуранг ўйнаши керак эди. Аммо ўйин 1:0 ҳисобида сурияликлар ғалабаси билан тугаган. Шунга қарамай, Ўзбекистон кейинги босқичга чиққан — гуруҳнинг параллел ўтган иккинчи ўйинида аутсайдер Ҳиндистон сўнгги сонияларда Хитой дарвозасига пенальтидан гол уриб, дуранг ўйнаган ва шу тариқа Хитойнинг «оёғидан ушлаб қолиб», Ўзбекистонни чорак финалга чиқарган.
Сурия — Ўзбекистон ўйини Хитой — Ҳиндистон ўйинидан икки дақиқача (ва Ҳиндистон дуранг келтирган голни уришидан ҳам шунча вақт) аввал тугаган. Шу сабабли Сурия — Ўзбекистон ўйинидан кейинги ўзбекистонлик футболчиларнинг эмоциялари алоҳида эътиборга молик.
Сурия — Ўзбекистон ўйини тугади. Осиё чемпионати фаворитларидан бири ҳисобланган Ўзбекистон мусобақа билан хайрлашди, чунки параллел ўйинда Хитойга 1:2 ҳисобида ютқазаётган Ҳиндистондан умид йўқ барибир.
Ўзбекистонлик футболчилар хафа, сурияликлар эса байрам қиляпти.
Бирдан ўзбекистонликларга жон кирди, шунчаликки, уларнинг хурсанд бақир-чақирларидан сурияликлар қўрқиб кетди — биздан ғалабани олиб қўйишдимикин, нимадир бўлдимикин, деб. Параллел ўйиннинг сўнгги дақиқасида Ҳиндистон Хитой дарвозасига гол урганди. Бу Ўзбекистон мусобақадаги юришини давом эттиради, дегани эди. Жавоҳир Сиддиқовнинг хурсандлигини қаранг — хурсандлигидан йиғлаяпти ҳам:
Гап нимадалигини тушунган сурияликлар энди Ўзбекистон билан бирга хурсанд бўлишяпти, ўзбекистонликларни ҳам табриклашяпти (Жавоҳир Сиддиқов жаҳл билан хурсанд):
Гуруҳдан Ҳиндистоннинг ёрдами билан чиққан Ўзбекистон якунда ушбу мусобақа ғолибига — Осиё чемпионига айланган. Осиё чемпионига бериладиган олтин медални қабул қилиб олганлар орасида каминаи камтарин ҳам бор (оббо мен-эй, оббо мен-эй!):