Ադրբեջանի հետ պայմանավորվածություն է ձեռք բերվել մինչև տարվա վերջ Հայաստանի և Ադրբեջանի միջև դելիմիտացիա իրանացնելու վերաբերյալ։ Այս մասին «Հանրային» հ/ը եթերում Ադրբեջանի նախագահ Իլհամ Ալիևի օգնական Հիքմեթ Հաջիևի հանդիպման արդյունքների վերաբերյալ հայտարարեց ՀՀ ԱԽ քարտուղար Արմեն Գրիգորյանը։ «Դելիմիտացիան և խաղաղության պայմանագիրը փոխկապակցված են։
Հայաստանի մտահոգությունը շարունակում է մնալ այն, որ Ադրբեջանը խաղաղության պայմանագրից հետո կարող է, այսպես կոչված, չդելիմիտացված սահմանի պատրվակն օգտագործել Հայաստանի վրա հարձակվելու համար։ Հստակեցրել ենք այդ հարցը։ Քննարկվել է ՀՀ տարածքից ադրբեջանական զորքերի դուրսբերումը», – նշեց նա։ Նա պնդեց, որ «միջանցքայնության» տրամաբանության ներքո չի քննարկվելու որևէ հարց։
«Մենք ընդգծել ենք, որ ապաշրջափակումն ինչպես որ նախատեսված է Ադրբեջանի համար, այդպես կլինի նաև Հայաստանի համար»,-նշեց նա։ Գրիգորյանի պնդմամբ՝ մեծ հաշվով Հայաստանի և Ադրբեջանի սահմանները 1929 թ.-ին դելիմիտացվել է։ «Այդ գործընթացը Հայաստանը, Վրաստանը և Ադրբեջանն անցել են։ Այստեղ մնում է փոխադարձ համաձայնության գալ, որ այդ սահմաններն ընդունում ենք հիմք, ամրապնդենք Հայաստանի՝ 29.800 քառ կմ տարածքը և շարժվենք առաջ»,-նշեց նա։ Ինչ վերաբերում է ՀԱՊԿ կողմից հայ-ադրբեջանական սահմանի կայունության ապահովման շուրջ առաջարկների հարցի բարձրացմանը, Գրիգորյանը նշեց, որ ինքն այդպիսի առաջարկների մասին տեղյակ չէ։
«ՀԱՊԿ-ից որևէ առարկայական արձագանք չեմ տեսել»,-նշեց նա։ Հայաստանն ու Ադրբեջանը համատեղ հայտարարություն են ընդունել հոկտեմբերի 6-ին Պրահայում Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի, ինչպես նաև Ֆրանսիայի նախագահ Էմանուել Մակրոնի և Եվրախորհրդի ղեկավար Շառլ Միշելի հանդիպման արդյունքների վերաբերյալ: Հայտարարության համաձայն, Հայաստանը իր համաձայնությունն է հայտնել Ադրբեջանի հետ սահմանի երկայնքով եմ քաղաքացիական առաքելության խրախուսման վերաբերյալ: Առաքելությունն իր աշխատանքները կսկսի հոկտեմբերին՝ առավելագույնը երկու ամիս ժամկետով։ Առաքելության նպատակն է լինելու ամրապնդել վստահությունը և աջակցել սահմանային հանձնաժողովներին իրենց զեկույցների միջոցով։
Լրացուցիչ տեղեկությունների համար այցելեք կայք