АТНЕР ТРОФИМОВА
Ывăлăм,
Куҫ умне эс
Шурӑ шӑллӑ тухатӑн.
Сенкер куҫусем
Тӳпепе тавлашма
Сан хӑяҫҫӗ .
Ӳсӗр ҫын пек,
Эс утатăн, утатăн,
Унтан ларатӑн
Лаках ҫӗр ҫине .
Те йӗрес , те кулас
Тенӗ евӗр пӑхатӑн .
Малтан , ачашланса,
Кӑшт илетӗн йӗрсе.
Унтан , майĕпен ,
Хӑвах эсӗ тӑратӑн ,
Мана асӑрхаса.
Сакӑр шӑллӑ пӗчӗк ҫӑвар
Хӗвеле тӑруках ак куҫать.
Аллуна эс тӑсатӑн ман еннелле ,
Хӑв кулатӑн , утатăн.
Кӗҫ кӗрсе ӳкетӗн те ман ытама -
Эх , тӗнче ,
Пире халех телей эс пилле !
Ку туйӑма ӑнланма
Арҫын кӑна мар -
Ашшĕ пулмалла.
- Ывӑлӑм , ывӑлӑм ,-
Чарăнма пӗлмеҫ тутарсем.
- Ывӑлӑм - ылтăнӑм,
Таса ирхи сывлӑм ,
Пирвайхи ман туратӑм.
Ывӑл- ӑ -ӑм , тӑванӑм !
Ачаш туйӑм , хухма эс пӗлсем ,
Асту ачама
Вӗлереп юратсах ...
Ах , ывăлăм ,
Куҫ умне эс
Шап- шур шӑллӑ тухатӑн .
Пӗчӗкчӗ эс ,
Калаҫма та пӗлместӗн ,
Юрататтӑн мана .
Халӗ алӑ хуратӑн -
Те ҫитӗнтернӗшӗн ,
Те юратнӑшӑн
Тӑван аҫу ҫинех.
Ывӑлӑм,
Хам та сисеймерӗм ,
Епле
Эс вӗрентӗн ӗҫке.
Те ачашларӑм ,
Те хӗрхентӗм сана ытлашши.
Пӗчӗк ача пек
Эс утатăн , утатăн ,
Унтан тапкӑпа
Эс лартатӑн мана
Лаках ҫӗр ҫине .
Те юрас , те вӑрҫас
Тесе эсӗ пӑхатӑн.
Малтан , йӑпӑлтатса ,
Эс ыйтатӑн укҫа.
Кайран , туслашса ,
Мана эсӗ ҫапатӑн .
Ылтăн шӑллӑ пысăк ҫӑвар
Хăрушла сăмахпа уҫӑлать.
Аллуна эс тӑсатӑн
Ман еннелле,
Шӑл йӗретӗн , утатăн.
Кӗҫ кӗрсе ӳкетӗп те
Сан ытама -
Эх , тӗнче,
Мана халех эс
Вилĕм пилле .
Ку туйӑма ӑнланма
Арҫын кӑна мар -
Ашшĕ пулмалла.
- Ывӑлӑм , ывăлăм, -
Чарăнма пӗлмеҫ тутарсем.
Ывӑлӑм , ылтӑнӑм ?
Ҫӑвар тулли юнӑм.
Ывӑ - ӑ - ӑ -лӑм ! Тӑшманӑм...
Усал туйӑм ,
Хухма эс пӗлсем ,
Асту ачана
Тем тӑвап
Чӑтаймасӑр .
Ах , ывăлăм !
Куҫ умне
Эс шур шӑллӑ тухатӑн.
Пӗчӗкчӗ эс ,
Калаҫма та пӗлместӗн.
Юрататтӑн мана ,
Эп те саншӑн
Чуна пама хатӗрччӗ .
Халӗ алӑ хуратӑн -
Те ҫитӗнтернӗшӗн,
Те юратнӑшӑн ,
Тӑван аҫу ҫинех .
1986 Шупашкар
ЮРИЙ ТРОФИМОВ
P. S. Моё самое скандальное стихотворение. Оно было опубликовано в 1988 году в Вурнарской районной газете , и все , начиная с жены , родственников и знакомых - начали осуждать меня по поводу содержания.
С тех пор прошло уже много времени. Атнеру на днях исполнилось 37 лет , и за это время я от него не услышал ни одного плохого слова в мой адрес. А о рукоприкладстве и других ужасах из стихотворения не может быть и речи.
Я ещё раз прошу прощения за это стихотворение . И ещё раз повторяю - это мои фантазии и пусть они не воспроизведутся в жизни.
Юрий Трофимов
01 .10 - 22 г.
Домодедово