"Төһүү киһи - Ийэ"

Быйыл Республикабытыгар Ийэ сыла биллэриллибитин чэрчитинэн, Үөһээ Бүлүүтээҕи кииннэммит библиотечнай ситим үрдүнэн, "Төһүү киһи - Ийэ" - диэн быыстапка-эстафета, сыл саҕаланыаҕыттан билиҥҥэ диэри тиһигин быспакка айаннаан иһэр. Быыстапкаҕа, бэриллибит кэм иһигэр, Үөһээ Бүлүү улууһун үс нэһилиэгин күн күбэй ийэлэрин сырдатар кинигэлэр, эркиҥҥэ тураллар.

Бу сырыыга, биһиги, Сургуулук, Боотулуу уонна Оҥхой нэһилиэктэрин ийэлэригэр аналлаах быыстапканы бэлэмнээтибит.

Быыстапка географиятын өрүү субу курдук бэлиэтиибит

Нэһилиэктэр историяларын сырдатар кинигэҕэ киэн туттар күн күбэй Ийэлэрин туһунан элбэҕи билиэххэ сөп.

Холобур, Оҥхой нэһилиэгин Герой Ийэтин, Дария Степановна Егорова туһунан, кыыһа Анна Васильевна олус истиҥник суруйбут.

Боотулуу нэһилиэгин Герой Ийэлэрин испиһиэгэ.

Бу кинигэҕэ бүттүүн Республика Герой Ийэлэрин туһунан матырыйааллары көрүөххүтүн сөп.

Улууспут Герой-Ийэлэрин туһунан сырдатар кинигэ.

Күндү ааҕааччыларбыт, улууспут Ийэлэрин олохторун-дьаһахтарын туһунан кэпсиир быыстапканы кэлэн көрүҥ, сэргээҥ!