Սեպտեմբերի 14-ին մարտական դիրքերն ինքնակամ թողնելու համար մեղադրվող 6 զինծառայողների վերաբերյալ վարույթի նյութերն ուղարկվել են դատարան: Այս մասին հայտնել է Քննչական կոմիտեն:
Հաղորդագրության մեջ ասված է, որ ՀՀ ՊՆ N զորամասի եռամսյա վարժական հավաքներին զորակոչված թվով 6 զինծառայողները 2022 թվականի սեպտեմբերի 14-ին ինքնակամ թողել են մարտական դիրքերը։
Զինծառայողներին մեղադրանք է առաջադրվել ՔՕ 540-րդ հոդվածի 5-րդ մասով՝ ծառայության կանոնների խախտմամբ, որը կանխել է պետության վրա հարձակումը ժամանակին հայտնաբերելը կամ հետ մղելը։ Այս հանցագործության համար առավելագույն պատիժը մինչև 10 տարի ազատազրկումն է։
Նախաքննությունն ավարտվել է, դատախազը հաստատել է մեղադրական եզրակացությունը և վարույթի նյութերն ուղարկվել են դատարան՝ ըստ էության քննելու: