Եվրախորհրդի ղեկավար Շառլ Միշելը և Ադրբեջանի նախագահ Իլհամ Ալիևը քննարկել են Երևանի և Բաքվի միջև հարաբերությունների կարգավորումը և Հայաստանում ԵՄ առաքելության աշխատանքը: Ինչպես հայտնում են ադրբեջանական ԶԼՄ-ները, Մյունխենում կայացած հանդիպմանը քննարկվել են «Ադրբեջանի և Հայաստանի միջև հարաբերությունների կարգավորումը, խաղաղության պայմանագրի շուրջ բանակցությունները և Բրյուսելի խաղաղ գործընթացը»:
Կողմերը մտքեր են փոխանակել նաև Հայաստանում ԵՄ առաքելության գործունեության վերաբերյալ։ Հանդիպման ընթացքում Ալիևն ընդգծել է, որ Բաքուն աջակցում է Բրյուսելի խաղաղ գործընթացին։ Եվրախորհրդի ղեկավարը հայտարարել է, որ ԵՄ-ն կշարունակի ջանքերը Հայաստանի և Ադրբեջանի միջև հարաբերությունների կարգավորման, խաղաղության պայմանագրի շուրջ բանակցությունների անցկացման և Հարավային Կովկասում կայունության ու անվտանգության ապահովման ուղղությամբ: Մյունխենի անվտանգության համաժողովը մեկնարկել է փետրվարի 17-ին, որի աշխատանքը կտևի մինչև փետրվարի 19-ը: Համաժողովի աշխատանքներին մասնակցում է ՀՀ վարչապետ Նիկոլ Փաշինյանի գլխավորած պատվիրակությունը:
Լրացուցիչ տեղեկությունների համար այցելեք կայք