Ադրբեջանի ԱԳՆ-ում սպասվում են նոր ձերբակալություններ

2020թ. օգոստոսի 12-ին Ադրբեջանի արտաքին գործերի նախարարի երկու տեղակալներ ժամերով հարցաքննվել են: Musavat.com կայքի աղբյուրների համաձայն՝ փոխարտգործնախարարներ Ռամիզ Հասանովը և Նադիր Հուսեյնովը կանչվել են Պետական անվտանգության ծառայություն և ժամերով ցուցմունք են տվել ԱԳՆ-ում խախտումների վերաբերյալ:

Ըստ նույն կայքի հավաստի աղբյուրների՝ ԱԳՆ բարձր պաշտոնատար անձանց նոր հարցաքննություններ  և ձերբակալություններ են սպասվում:

Նշենք, որ 2020թ. հուլիսի 6-ին Ադրբեջանի Պետական անվտանգության ծառայությունը հետաքննում էր ԱԳ նախարարության որոշ պաշտոնատար անձանց ապօրինի գործողություններն ուղղված հասարակության և պետության շահերի դեմ: Արդյունքում ԱԳՆ պաշտոնատարներ Ֆարհադ Մոլլազադեին և Սալիմ Ալիզադեին մեղադրանք առաջադրվեց պաշտոնական դիրքը չարաշահելու, հափշտակության և կաշառակերության հոդվածներով, իսկ Նուրուփաշա Աբդուալեւին՝ կաշառակերության հոդվածներով, նրանց նկատմամբ խափանման միջոց ընտրվեց կալանքը:

http://www.artsakhnow.am/%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%ab-%d5%a1%d5%a3%d5%b6-%d5%b8%d6%82%d5%b4-%d5%bd%d5%ba%d5%a1%d5%bd%d5%be%d5%b8%d6%82%d5%b4-%d5%a5%d5%b6-%d5%b6%d5%b8%d6%80-%d5%b1%d5%a5%d6%80%d5%a2/