ABŞ prezidenti Donald Tramp bildirib ki, Birləşmiş Ştatlar Livana "əhəmiyyətli" kömək edəcək.
Bu barədə “Report” RİA “Novosti”yə istinadən xəbər verir.
"Çox ölkələr (Livana-red) kömək etməyə hazırlaşırlar", - Tramp jurnalistlərə deyib. ABŞ rəhbəri Fransa prezidenti Emmanuel Makronun çağırdığı Livana yardım üzrə liderlər qrupunun müşavirəsində iştirak edib.
ABŞ-ın Livana nə qədər vəsait ayıracağı barədə suala Tramp belə cavab verib: "Bu, əhəmiyyətli olacaq".
O, xatırladıb ki, ABŞ daha əvvəl Beyruta yardımla üç hərbi-nəqliyyat təyyarəsi göndərib.
Dağıdıcı partlayış avqustun 4-də Beyrutun dəniz limanında, Livanın Hərbi-Dəniz Qüvvələrinin bazası yaxınlığında baş verib.