Найти в Дзене
ИМАН ЖӘНЕ ЗАМАН
5 подписчиков

123-ші Қара пайым-сөз: Ұнатқан жазбаларымды тек өзіңіз ғана оқымай, жұртқа да оқытыңыздар

1 мин
Қазақ журналистикасы соңғы жүз жылдың көлемінде ғана пайда болып, әлі қалыптасу деңгейін бастан өткеріп жатыр. Ал дамыған италия, неміс елдерінде бұл кәсіп Қазақ Ордасы құрылғаннан бұрынғы 1400 жыл шамасында пайда болғандықтан https://en.wikipedia.org/wiki/History_of_journalism шетел журналистикасынан үйренеріміз көп. Мәселен қазіргі уақытта әлемге аты танымал газеттерде «колумнист» https://en.wikipedia.org/wiki/Columnist деген кәсіп бар. Тәжірибелі журналист күнделікті газеттің бірінші бетіндегі орны ешқашан өзгермейтін бағанға бүкіл газеттің мақсат-мүддесін айқындап тұратын осы мен жазып жүргендей қысқа «жазба» жазады. Егер әлгі журналистің жазбалары ұнайтын болса, сол газеттің оқырмандары ең бірінші әлгі «колумнистің» жазғанын оқиды. Соңғы уақытта қарап отырсам «Facebook»-тағы менің парақшам шағын газетке айналып, жазбаларымды тұрақты түрде оқитын және пікірлерін жазып отыратын оқырмандарым пайда болып қалыпты. Әрине бұл жазбаларым үшін маған ешкім жалақы төлемейтіндіктен, жалақы т

Қазақ журналистикасы соңғы жүз жылдың көлемінде ғана пайда болып, әлі қалыптасу деңгейін бастан өткеріп жатыр. Ал дамыған италия, неміс елдерінде бұл кәсіп Қазақ Ордасы құрылғаннан бұрынғы 1400 жыл шамасында пайда болғандықтан https://en.wikipedia.org/wiki/History_of_journalism шетел журналистикасынан үйренеріміз көп. Мәселен қазіргі уақытта әлемге аты танымал газеттерде «колумнист» https://en.wikipedia.org/wiki/Columnist деген кәсіп бар. Тәжірибелі журналист күнделікті газеттің бірінші бетіндегі орны ешқашан өзгермейтін бағанға бүкіл газеттің мақсат-мүддесін айқындап тұратын осы мен жазып жүргендей қысқа «жазба» жазады. Егер әлгі журналистің жазбалары ұнайтын болса, сол газеттің оқырмандары ең бірінші әлгі «колумнистің» жазғанын оқиды. Соңғы уақытта қарап отырсам «Facebook»-тағы менің парақшам шағын газетке айналып, жазбаларымды тұрақты түрде оқитын және пікірлерін жазып отыратын оқырмандарым пайда болып қалыпты. Әрине бұл жазбаларым үшін маған ешкім жалақы төлемейтіндіктен, жалақы төлейтін негізгі жұмысым мен үшін маңызды. Сол себепті жұмыс аптасында (дүйсенбі-жұма аралығы) жазба жазуға көп қол тие бермейді. Тек сенбі-жексенбі күндері ғана көз алдарыңызда «нақты уақыт режимінде» жазып, пікір алмасуға аздаған уақыт бар. Бірақ көп ізденуді, ойластыруды, талдауды, жүйелеуді және т.б. қажет ететін бұл жазбаларды Алла ризашылығы үшін жазып жүрсем де, бір күні бұл жазбаларды доғаруға тура келетін күн туады-ау деймін. Себебі «бала-шағаң тым жас екен», «қысатын жеріңді қысып жайыңа жүрмейсің бе» деген сияқты көңілге күдік ұялататын «қоңыраулар» түсе бастады. Сол себепті ұнаған жазбаларымды тек өздеріңіз ғана оқып қоймай, менің «Facebook»-тағы парақшама сілтеме жасап, өз парақшаларыңызда, егер қажет деп тапсаңыз «Instagram», «WhatsApp» арқылы жанашыр дос-туыстарыңызға жөнелтіп отырыңыздар. Ешкімге ешнәрсе айтып ақталмаймын, бұлданбаймын, бұл жазбаларым үшін ақша сұрап отырғам жоқ, осы қазағым ойланып өмір сүрсе екен деген жалғыз ниетпен Алла ризашылығы үшін ғана жазып жүрмін. Арғы жағын өздеріңіз біліңіздер!