Удзельнікі народнага ансамбля народнай песні “Вечарынка” ў дэндрапарку ў мікрараёне Заходнім правялі майстар-клас па побытавых танцах.
Няважна, колькі вам год і ці маеце вы харэаграфічную адукацыю – галоўнае жаданне! Навучыцца танчыць, як продкі, зможа любы – у гэтым упэўнены тыя, хто вучыць танцаваць па-народнаму.
“Лысы”, падэспань, полька, кракавяк – вучыліся танчыць тыя, хто прыйшоў у дэндрапарк.
Напрыканцы імпрэзы “настаўніца па танцах” запрасіла ўсіх прысутных на фестываль побытавых танцаў “Жодзішкаўскі карагод”, які будзе ладзіцца ў аграгарадку 23 жніўня.
Падчас этна-вечарыны свае работы прэзентавала таленавітая майстрыха, вышывальшчыца Зоф’я Войтка.
Галіна АНТОНАВА.
Фота аўтара.