Білсеңіз жай ғана «Бисмиллиһир-рахманир-рахим» деген сөздің өзі ғаламат дұға. Бұдан басқа «Бисмилләһилләзи лә ядурру ма‘асмиһи шәй'ун фил-ардый уә лә фис-сәмәә'й уә һуәссәмии‘уль ‘алиим» (Есімі аталғанда жердегі және көктегі ешбір нәрсе зиянын тигізе алмайтын Алланың атымен бастаймын, Ол – бәрін Естуші және бәрін Білуші) http://www.ihsan.kz/kk/articles/view/5798 деген қысқа ғажап дұға бар. Бүкіл қазаққа «Құран жатта, хадис жатта» деп жалынбаймын, бірақ осы дұғаны өзіңіз үшін жаттап алып (өте жеңіл жатталады), есіңізге түскенде үш рет қатарынан айтып жүріңдерші деп тізерлеп отырып жалынамын. Себебі осы дұғаны жаттап алғалы Алланың тарапынан тек жақсылық істерін ғана көріп келемін. Әсіресе, не жерден шыққаны, не көктен түскені белгісіз мына «Тәжі-дерт»* індеті дендеп тұрған заманда, бұл дұға миллиондаған қазақтың өмірін сақтап қалатындығына сенімдімін. Тәкаппарланба, ысырапшылық жасама және иманыңды түзе қазағым, сонда бәрі де жақсы болады. Бәрі де өткен, бұл да өтер, сіз бен біз де өтерміз, бірақ жоғарыдағы дұға ахиретке дейін адамдардың арасынан игі жақсыларды іздеп ауыздан-ауызға өтіп жүре береді.
* Короновирус-COVID-19 деген аты жаман ауруды қазақ «құтырып кетеді» деп атын атауға тыйым (ғылыми тілде – «табу») салғасын, оны «Тәжі-дерт» деп жазып жүрмін.