82-ші Қара пайым-сөз: Қазаққа жан мен рух беретін «қозғалтқыш» ежелгі жазылмаған заңдарында!

Жалпы Дарвинді «Адам маймылдан жаралған» дегені үшін қанша жек көрсек те, оның «Бейімделгендер ғана тіршілікке қабілетті» (The survival of the fittest – Charles Darwin, «Выживание наиболее приспособленных») деген сөзінің ақиқаттығын мойындамасқа амал жоқ. Ғаламторда «Катехизис еврея в СССР» https://wod-1958.livejournal.com/4120419.html деген материалдың жүргеніне көп болды. Осы мақаланы оқығанда ғана санасы жоқ көзге көрінбейтін тірі организмнің қалайша миллиондаған жыл өмір сүретінін түсінгендей боласың. Әлемнің алдына шыққан алғашқы 7 (жалпы 20) мемлекет өркениеттің өзгеруіне әбден бейімделіп алған мемлекеттер. Бұл елдерде мемлекет пен үкімет – Ұлт мүддесіне ғана қызмет ететін атқарушы органдар. Ұлт жойылса мемлекет пен үкімет те бірге жойылатындықтан, бұл елдерде «кемедегінің жаны бір деген» қағидат мүлтіксіз жұмыс жасайды. Барлық тетіктің жалғыз қозғалтқышы – Ұлттық идеологиялары. Идеологияда бұлтақтау, екі сөйлеу, «екі ақиқатты» (біреуі мемлекет, біреуі халық үшін) қатар алып жүру өліммен тең. Қазақ халқының қағазға жазылмаған ежелгі заңдары бар, мен соларды шамалап іріктеп, ағылшын тілінде «Көшпенділердің әскери құриялары мен ағлақтық ұстындары» (Military mysteries and moral pillars of nomads [осы атауды google.kz қойсаңыз, мақаланы көрсетеді]) деп мақала етіп жариялағанда, еуропа елдері жабылып оқыды, әлі де оқып жатыр. Бұл нені білдіреді? Дамыған елдердің ұстанған идеологиясынан «шатақтар» шығып жатыр, олар жаңа қағидаттар іздеуде. Ал қазақтар қалғып-мүлгіп жүр...