Brend kanal – Odamlar sizni kanalingiz nomini eshitganda, kanalingiz va uning kontenti yodiga tushishi.
Brend kanal xususiyati:
- Original logotip
- Yorqin pechat / watermark/ belgi
- Esda qolarli Nomi
Kanalni ochish jarayonida Logotip yasab nom o`ylab topgan edik. Keyingi navbat Pechat ga.
Pechat kanalingiz nomi yozilgan kichik rasmcha bo`lib, obunachilar bilan ulashayotgan video/rasm li fayllarga maxsus dastur orqali qo`yiladi.
Pechat qo`yilgan postlar tarqalib ketganda, odamlar aynan shu pechatga qarab kanalingizni tanib olishadi.
Pechatda kanalingiz ssilkasi, nomi yoki logotipi yozilgan bo`lishi mumkin. Mening fikrimcha, ssilkani qoldirgan ma`qul. Sababi, kimdir kanalingizdagi kontentni o`g`irlab o`ziniki qilib ko`rsatsa ham pechat o`chib ketmaydi.
Uni rasmning o`rtasiga, yuqori qismiga yoki o`ng taraf past qismiga joylashtirgan yaxshi.
Pechat qo`yish uchun istagan fotoredaktor dasturdan foydalanishingiz mumkin.
Shunchaki, kerakli rasmni tanlang va kanalingiz ssilkasi/logini ni yozib qo`ying.
Agar pechatda faqat matn emas balki rasm ham ishtirok etishini hohlasangiz, alohida dasturda avval pechatni yasab olishingiz kerak va uni boshqa rasmlarga shunchaki ustma ust ko`rinishida qo`yib chiqasiz.
Photoshop bilimlarisiz logotip va pechat yasash uchun Canva.com saytidan foydalaning.
Pechatni ham logotip singari yasaysiz va so`ngida kichraytirib, kerakli qismini kesib olasiz.
Musiqiy fayllarga ovoz qo’shish
Musiqa a audiofayllar so’ngi yoki o’rtasiga kanalingiz nomini audiovariantida qo’shib qo’ying. Musiqani eshitgan har qanday odamga tekin reklama bo’ladi.
Auditoriyani aktiv qilish sirlari
Auditoriya – biz togridan togri muloqot qiladigan ochiq maydon. Virtual olamda siz qaysi guruhdagi odamlar bilan suhbat qurayotganingizni bilish juda muhim. Ularning jinsi, talablari va ijtimoiy statuslari kabi ma`lumotlar bu auditoriyaga keyinchalik qanday reklama sotish mumkinligini aniqlab beradi.
Deylik kanalingiz yuqori (IT) texnologiyalar haqida. Tabiiyki auditoriyangiz texnologiyalarga qiziquvchi odamlardan tashkil topgan. Lekin, bu odamlarni yoshlari nechada ? qaysi jins vakillari kanalda ko’proq ? qancha maosh oladilar ? buni bilmaysiz.
Bu ma’lumotlar nega kerak ? Deylik, auditoriyangiz o’rtacha oyligi 2.500.000 lik odamlar. Bu odamlarga yangi chiqgan SAMSUNG GALAXY 10 ni reklama qilsangiz yaxshimi yoki REDMI 8 KREDITGA reklama qilsangiz yaxshimi ?
Jins nega muhim ? Kanalga qizlarga mos chexollarni reklama qilish kerak, lekin auditoriyani taxminan necha foizi qizbola ekanlgini bilmaysiz. Agar qizlar judayam kam bo’lsachi ? Unda reklama ish bermaydi.
Auditoriya bilan muloqot o’rnatish
Auditoriya bilan muloqot o’rnatishni eng samarali yo’li, bu – so’rovnomalar o’tkazish.
Ko’pchilik adminlarning xatoliklarni shundaki, ular to’g’ridan to’g’ri so’rovnoma o’tkazishadi. Bunda obunachilarni qiziqishi past darajada bo’ladi va hamma ham ishtirok etmaydi.
Samarali so’rovnoma o’tkazish uchun shunchaki muhim qoidaga amal qilish lozim:
Olishdan oldin, berishni o’rgan.
So’rovnomani qiziqarli post, fakt yoki media orqali o’tkazing. Avval obunachilarga shu so’rovnoma mavzusiga aloqador qiziqarli ma’lumotni ulashing va oxirida ulardan kerakli ma’lumotni so’rang. Maqolaga qiziqgan obunachi, so’rovnomada ishtirok etmasdan iloji qolmaydi.
Qanday qilib auditoriyani aktiv qilsa bo’ladi ?
Auditoriyaga reklama sotishdan oldin, ularni biron narsa sotib olishga tarbiyalash lozim. Ya’ni, obunachilar siz hohlagan harakatni bajarishlari kerak. Masalan, Like bosish yoki repost.
Reaksiya tugmachalarini ishga solamiz.
Har bir postingiz ostiga like yoki boshqa reaksiya tugmachalarini o’rnating. Shu orqali post obunachilarga yoqdimi yoki yo’q bilib olasiz. Postingiz so’ngida, muloyimlik bilan “Maqola sizga yoqgan bo’lsa, LIKE bosing” ko’rinishida tugating.
Kutilgan post – Treyler posti
Bilasizmi, nega Qasoskorlar:FINAL dunyodagi eng kassabop filmlar qatoriga kirdi. Birinchidan u qiziq, ikkinchidan rejissorlar internetga uning kichik treylerlarini muntazam ravishda joylab turishdi. Ya’ni, odamlarni ichini qizdirib, filmga bo’lgan qiziqishni yuqori darajada ushlab turishdi.
Siz ham o’z postlaringizda shu usulni qo’llashingiz mumkin. Buning uchun sizga judayam qiziqarli post va uning kanalga chiqish aniq vaqti kerak bo’ladi.
Har bir oddiy postingiz so’ngida shu qiziqarli post haqida qisqacha ma’lumot va uni kanalga chiqish vaqtini yozib qo’ying.
Masalan, qiziqarli post kanalga juma kuni soat 17:00 da chiqishi kerak.
Dushanba kuni — shunchaki juma kuni judayam qiziqarli ma’lumot borligini bildiring
Seshanba kuni – Juma kuni soat 17:00 da foydali ma’lumot borligini bildiring
Chorshanbada — juma kungi maqola qaysi mavzuga aloqador ekanglini bildiring
Payshanbada — ertaga soat 17:00 da ular bilan “biron mavzu” ga aloqadir judayam qiziqarli foydali maqolani ulashishingizni yozing
Jumada – premyera!
Konkurslar orqali
Aktivlikni ko’tarishni eng zo’r usuli bu albatta harajat qilish. Kanalda pullik konkurslar yoki sovg’ali konkurslar o’tkazib turing.
Konkurslar turlicha bo’lishi mumkin, mana sizga ilhom olish uchun mavzular:
- Eng yaxshi fotosur’at – Obunachilardan o’z sur’atlari yoki biron ijod mahsullarini yuborishlarini so’raysiz va qabul qilib olgan materiallarni kanalga joylaysiz. Har bir material ostida reaksiya tugmachasi bo’lishi shart. Konkurs vaqti tugagandan so’ng eng ko’p LIKE olgan odam g’olib bo’ladi va unga sovg’a berasiz.
- Eng yaxshi maqola, she’r, fikr.
- Eng kulguli javob : Kanalga biron savol joylaysiz (mantiqiy yoki oddiy) va shu savolga eng kuguli javoblarni sizga yuborishlarini so’raysiz. Bachkana bo’lmagan yaxshilarini saralab, kanalga joylaysiz va obunachilarni shu javobga ovoz berishlarini so’raysiz. Qaysi javob eng ko’p ovoz to’plasa, usha ishtirokchiga sovg’a beriladi.
- Arifmetik interaktiv: Qiziqarli matematik savolni kanalga joylang va ostiga variantlar yozilgan reaksiya tugmachalarini joylashtiring. Javobni esa kunning oxirida kanalga joylang.
- REBUSlar orqali. Texnologuyasi Arifmetik interaktivdek. Faqat matematik savol o’rniga REBUS
- Detektivlik orqali: Internetda kriminalistika bo’yicha minglab savolli rasmlar va ularni javoblari bor. Arifmetik interaktivdek kanalga rasm va savolni yuklaysiz. Varianlar reaksiyada bo’ladi. Javobni bir kundan keyin kanalga yozasiz.
- SMAYL orqali kinoni topish. Biron filmni mashxur syujetini smayllar orqali obunachilarga yozing va to’g’ri javobni sizga yuborishlarini so’rang. G’oliblarni ertasi kuni kanalda namoyish etasiz.
- 5 tadan 1 tasi yolg’on: Kanalga 5 ta fakt yozing lekin ular ichida bittasi albatta xato bo’lsin. Post ostida 1 dan 5 gacha emoji tugmalarini o’rnating. Javobni ertasi kuni e’lon qilasiz.
- Labirintdan chiqish. Internetdan tayyor labirintni kanalga yuklaysiz. Labirintga kirishlarni o’zingiz raqamlab chiqasiz(photoshop, paint) orqali. Labirintdan chiqish uchun qaysi raqam ostidan kirish kerakligini obunachilarga savol ko’rinishida yozasiz. Post ostida reaksiya tugmachalarida variantlar bo’lishi kerak.