Жанубий кореялик техногигант навбатдаги Samsung Galaxy Unpacked тадбирини 5 август куни ўтказади. Компания унга бағишланган биринчи трейлерини эълон қилди.
Ушбу тадбирда бешта янги гаджетлар туркуми намойиш қилиниши кутилмоқда:
- Galaxy Note 20 ҳамда Note 20 Ultra фаблетлари;
- Galaxy Z Fold 2 букламафони;
- Galaxy Watch 3 смарт-соати;
- Galaxy Buds Live буткул симсиз қулоқчини;
- Galaxy Fit фитнес-трекерининг янги авлоди;
- Galaxy Tab S7 ҳамда Tab S7+ планшетлари.
Қуйидаги видеода таъкидланишича, бу – Samsung Galaxy Unpacked маросимининг биринчи трейлеридир; демак, кейин бошқалари ҳам чиқади:
Samsung Galaxy Unpacked тадбири кейинги ҳафтанинг сешанба куни, Тошкент вақти билан соат 19:00 да бошланади. Ўшанда унинг тўғридан-тўғри трансляциясини мана бу ҳавола орқали компаниянинг расмий сайтида томоша қилиш мумкин бўлади.