Ўзбекистон Республикаси Олий Мажлиси (афсуски) депутати, "Миллий тикланиш" демократик партияси Марказий Кенгаши (афсуски) раиси Алишер Қодиров ҳар галгидек халқни ғазаблантиришни қойил қилмоқда.
Умуман олганда бу кишини ҳозирдаги эгаллаб турган барча ваколатли вазифалардан озод этиш керак назаримда. Сабаби барчамизга аён, хар доим ўйламасдан ё нимадир деб қўяди ёки қанақадир қовун тушуради.
Бу гал эса "жаноб" Қодиров ўз телеграм каналида четдаги ватандошларимизни олиб келишни тўхтатилишини таклиф этиб пост қолдирган, қуйида ушбу постни ўқишингиз мумкин.
"Вирусларни аниқлаш ва улар билан курашишда Исроил давлатидаги тажриба ўргангулик. Улар 2020 йилнинг 1 сентябригача барча кирувчилар учун чегараларини ёпди. Нимага? Чунки ичкарига кирган ҳар бир инсон вируснинг янги, бораётган жойидаги муҳитга мослашмаган типини олиб кириши мумкин. Бу янги тўлқин дегани.
Пайғамбаримиз (с.а.с) ҳам “Вабо тарқалган жойга бормангиз, агар турган жойингизда вабо бўлса у ердан кетмангиз” деб бекорга айтмаганлар.
Хориждан ватандошларимизни олиб келишни тўхтатиш, уларни турган мамлакатларида даволанишларини молиялаштириш ҳақида ўйлашимиз керак. Бу биринчи навбатда ўша ватандошимизнинг қариндошларига, қолаверса бутун Ўзбекистонга яхшилик бўлади.
Яна бир янги штамм халқимиз учун жуда оғир бўлади."
дейди, "жаноб" Қодиров
Мамнуният билан, Қодировга вирус юқтириб, ўзи мақтаб, ҳавас қилган юрт Исроил давлатига юборсак айни ўринли иш бўлар эди, сабаби у ерда туриб, бемалол, очиқчасига Ислом дини ваккилларига, қолаверса, шак-шубхасиз ўзбекларга қарши фитна ва иғво тарқатиш бўйича яхши бир лавозим эгасига айланиши турган гап (бу шунчаки фараз)!
Ачинарлиси шундаки, Қодиров ўз постида саводсизларча келтирган иқтибоси на бир ривоятдан эканлиги ёки кимдан эканлиги номаълум. Ахир, бундай тарихий иқтибосларга албатта қандайдир бир ҳужжат ёки манба келтириш зарур, буни барчамиз яхши биламиз. Аммо бу "жаноб"ни бунга саводи етмагани мени куюнтирмоқда.
Бу "йигитти гули" ўз постида "Хориждан ватандошларимизни олиб келишни тўхтатиш, уларни турган мамлакатларида даволанишларини молиялаштириш ҳақида ўйлашимиз керак." деб фикр билдирар экан, очиғи ҳавфсалами ер билан яксон қилди. Тушунтираман: ҳозирда Ўзбекистон коронавирус пандемияси "COVID-19" вирус билан курашишга барча куч-қудратини, колаверса, ташқаридан келаётган маблағларни айнан халқ саломтлиги йўлида сарф қилаётган (ўзи еткизолмаяпмизу) бир вақтда "ахмоқ"ларча билдирган бу фикри минг қаватли бинодан қулаб арқонга осилиб қолган бечорани арқонини кесиш билан баробар эмасми? Мабодо, Ўзбекистондаги ҳозирги ижтимоий-иқтисодий ҳолатни била туриб яна маблағларни ташқарида сарфлаш дегани бу "ўз пулимизи икки баробар қиммат хизмат кўрсатувчи давлатларда сарфлаш" дегани эмасми?
Йўқ, очиғи мен бу одамни гапига тушунолмадим! Нима бало спиртда вирус юқмайди деб ичиб олиб "кайф"да ёзганми буни! Одам ўзини телбаликка солиши ҳам эви биланда энди.
Нима дейишга ҳам сўз тополмай қолдим. Ҳуллас менга қолса, Қодировни ҳукумат даражасидаги лавозимлардан озод этиш керак тамом!