Өкінішке қарай қазіргі уақытта жас журналистердің өз мақалалары мен хабарламаларында өрескел қателіктер жіберуі кәдуілгі әдетке айналды. Tengrinews.kz тілшісінің репортажынан бір мысал келтірейін: https://kaz.tengrinews.kz/kazakhstan_news/elbasyi-kazakstandyiktarga-undeu-jasadyi-310536/ «Елбасы Нұрсұлтан Назарбаев: Құрметті қазақстандықтар! Бүгінде Қазақстан бұрын-соңды болмаған күрделі ахуалмен бетпе-бет келіп отыр... Мезгілсіз қаза болғандардың туған-туыстары мен жақындарына қайғыларына ортақтасып, көңіл айтамын», – делінген құттықтауда». Құдай-ау, қазақтар қырылып жатқанда, қайдағы «құттықтау» туралы сандырақтап отыр мына журналист.
Оншақты күн бұрын қайтыс болған итальян композиторы, аранжировщик Эннио Морриконенің (Ennio Morricone, 10.11.1928-6.07.2020) сөзі жоқ кейбір мелодиялары (https://www.youtube.com/playlist?list=PL2EchC8usvuBAYsmSBp5QVKyLRYTeDNNT) домбыраға сұранып-ақ тұр деп ойлаймын. Нағыз жүректің жүнін жұлатын мелодиялар. Бірақ біздің қазекең оның кейбір саздарын Ресей киноларында пайдаланғандықтан (Бумер, Бандитский Петербург, Свои среди чужих т.б.), бұл мелодияларды орыстар шығарған деп ойлайды. Қазақтың күйін жоғалтпай, оны одан әрмен дамыту үшін қазақтың күйшілері заманның талабына орай домбырамен осы Эннио Морриконенікі сияқты күйлер шығаруы тиіс. Сонда ғана олар Димаш Құдайбергеннің қасына барып қосыла алады...