Қазіргі уақытта квази-мемлекеттік секторда – мемлекеттік тіл редакторы болып жұмыс жасайтындықтан, қазақтың тілі туралы көп ойлаймын. Жалпы бүкіл мемлекет, халық болып тыраштансақ та, біздер қазақ тілін дамыта алмаймыз деп ойлаймын. Қазақтың тілін тірілту үшін – кешенді түрде «Қазақ ұлтының тілі, ділі, салт-дәстүрі туралы» Ұлттық деңгейде Заң қабылдауымыз керек. Тек сонда ғана қазақ тілі тіріліп, қазақтың бойында рух пайда болады. Сол кешендік Заң жобасын шетел ғалымдарының пікірін білейін деп «Academia.edu» веб-сайтына ағылшын тілінде (https://independent.academia.edu/KaldarhanKambar) жариялап жүрмін. Шетелдіктер қызығып оқып, түрлі пікірлер білдіріп жүр...
Мынау «Тәжі-дерт» (Короновирус-COVID-19)* індеті – «жаһандану, интеграция т.т.» деп шулап жүргендердің аузына құм құйды. Қазір әрбір дамыған елдердің өзі – тек өзі туралы ғана, қалай тірі қалу керектігі туралы ғана ойлана бастады. Осыны пайдаланып қазақ халқы біраз ес жиып, етек-жеңін жиып алатын қолайлы кез туып тұр. Індет мәңгілік емес – вакцина ойлап табылса, ол да бір күні жоғалады. Тек қазақ халқы қапы қалмаса екен, мүмкіндікті уысынан шығарып алмаса екен деп әр бес уақыт намазымнан соң дұға жасап, бір Алладан медет, көмек тілеп жүрмін. Өздерің бұл туралы не ойлайсыңдар?