Вы там не былі? Вы шмат страцілі! Толькі на святочнай імпрэзе ў Вішнева можна акунуцца ў гукі і рытмы не толькі мінулага стагоддзя, але і эпох значна старэйшых. Дзіўным чынам тут спалучаецца беларуская аўтэнтыка, савецкая эстрада і хіты сучасныя.
Як заўжды ярка, цікава, крэатыўна прайшло летняе свята сонца, зямлі і вады на беразе Вішнеўскага возера. Да энергіі трох стыхій далучылася энергія маладосці, талент выступоўцаў і пазітыў гасцей свята.
Тэатралізаванае прадстаўленне, майстар-класы, забаўляльныя праграмы, пляцоўкі для дзяцей, смачная юшка, фаер шоў, салют і дыскатэка – гэта незабывальна! І лепш усё гэта бачыць на свае вочы.
