Софы дәріс үстінде:
– Дүниеқоңыздық, жарамсақтық және мүмкін еместіктің арасындағы байланысты түйсінбей, адамды тану мүмкін емес – деді.
– Бұл сөздеріңіздің мәнісін түсіне алмадым – деді шәкірті.
Сонда софы тұрып:
– Оның мәнісін тәжірибе арқылы түйсіну мүмкін болып тұрғанда, бас қатыру арқылы түсінуге тырыспа – деп үн қатты.
Ол шәкіртін шекпендер сатылатын таяу арадағы базарға алып барды.
– Маған ең жақсы, әрі ең қымбат шекпенді көрсетіңізші – деді ұстаз дүкеншіге.
Оған тез арада расында да әдемі шекпенді әкеліп көрсетіп, шектен тыс қымбат баға айтылды.
– Маған керегі дәл осы шекпен болатын, – деді софы міз бақпастан. Тек маған жағасы жалтылдаған терімен қапталғаны болса, тәуір болар еді деді.
– Бұдан оңай ешнәрсе жоқ, – деді дүкенші. Дәл сіз айтқандай шекпен, дүкен артындағы шеберханада жатыр еді.
Ол біраз уақытқа жоғалып кетіп, тура сол шекпеннің жағасына асығыс-үсігіс тігілген тері жағамен қайта оралды.
– Ал, бұл қанша тұрады? – деді ұстаз.
– Алдыңғысынан жиырма есе қымбат тұрады – деп жауап берді дүкенші.
– Өте тамаша! – деді софы. – Мен екеуін де аламын.