Бірде Бағдатты билеген Харун әл-Рашидке бір диуана жолығып қалады.
– Қайдан келе жатырсың, жолаушы? – деп сұрайды әмірші.
– Тозақтан келе жатырмын, – дейді анау.
– Ия, онда не істедің?
– Темекі шегу үшін оттық қажет болды, содан тозақтың тұрғындары оттарымен бөліспес пе екен деп ойладым.
– Не болды, оттық ала алдың ба? – деп сұрады Харун әл-Рашид.
– Жоқ, ол жердің патшасы бізде от жоқ деді. Мен әрине бұл қалай деп сұрадым? Оған тозақтың патшасы: «Айтып тұрмын ғой саған, бұл жерде от жоқ деп. Мұнда әркім өз отын көтере келеді» деп жауап берді.