📢 Калыкым волгалтарымаш пост:
Российысе почтын кечыже – почто ден кылым кучышо пашаеҥ-влакын профессионал пайремышт. Российыште 1994 ий гыч сӱрем тылзын кокымшо рушарнян палемдалтеш.
«МОСКО МАРИЙ ТӰВЫРА РӰДЕР» проектын коллективше чыла почто пашаеҥ-влакым профессионал пайремышт дене саламла!
Кеч мыняр торашке тошкалеш прогресс, кеч мыняр йӧным шонен муыт ваш-ваш возкалымылан да намиен кодымылан, почто эре лиеш эн лишыл да шӱмлан шерге вер, кудо гоч ме шкеннан йӧратыме еҥ-влак дене кылым кучена. Тендан пашада чот аклалтеш да нимучашдыме кӱлешан!
Кагаз серышлан да картон коробка посылке-влаклан тыланда таум каласена, типографийысе чия дене ӱпшышӧ у газетлан да чапле открытке-влаклан таушнена.
Тыланда тазалыкым, йӧратымашым, тыныслыкым, чытымашым да умылымашым тыланена! Тек пашаштыда утларак чын адрес-влак лийыт да калыкын тауштыме шыргыжмаш вашлиялтеш!
Монтаж: Моско марий интернет ТВ