📢 Калыкым волгалтарымаш пост:
Сӱрем тылзын 12-шо кечынже Иван Семенович Никитинын шочмыжлан 90 ий (1930-2009). Марий актер. Марий Эл Республикын Марий АССР-ын Калык артистше (1980).
Иван Никитин 1930 ийын сӱрем тылзын 12-шо кечынже Йӱледӱр ялыште (кызыт Совет кундем) служащий ешеш шочын.
1945-ше ийыште Кужмара шымияш школым пытарен, колхозышто пашам ыштен. 1948 ийыште И.С. Палантай лӱмеш Марий кугыжаныш музык-театр училищын театр пӧлкашке тунемаш пурен.
1952 ийыште идым тылзыште тудо диплом дене М. Шкетан лӱмеш Марий кугыжаныш драме театрыште пашам ышташ тӱҥалын. Иван Никитин тушто чылаже нылле ий наре пашам ыштен, шӱдӧ витле утла рольым модын.
1972 ийыште И. Никитин «Марий АССР-ын сулло артист» лӱм чапым налын, а 1980 ийыште – «Марий АССР-ын Калык артистше».
1990-ше ийыште И.С. Никитин паша гыч канышыш лектын гынат, театр дене кылым кӱрлын огыл.
И.С. Никитин медаль «За доблестный труд в Великой Отечественной войне 1941-1945 гг.», МАССР-ын Верховный Совет Президиумын да Республикын Тӱвыра министерствыжын Почётан Грамотыж дене палемдалтын.
Шуко ий шке пашалан вийым пуымыжлан да пашалан ӱшанле койышан лиймыжлан актёрым ончаш толшо-влак пеш йӧратен шынденыт. И.С. Никитин Морко калык театрыште кугу шеф полыш пашам наҥгаен.
Иван Семенович Никитинын театр паша роль-влак :
Сану (М. Шкетан «Ачийжат-авийжат!..» / «Эх, родители!..», 1952),
Вӧдыр (Н. Айзман «Кай, кай Йыванлан» / Выйди, выйди за Ивана, 1957),
Элексе (М. Рыбаков «Кок эрге» / Два сына, 1960),
Йыван (М. Рыбаков «Керемет корем воктене» / У чертова оврага, 1962),
Валера (А. Волков «Оръеҥ мелна» / Свадебные блины, 1962),
Ванька-комиссар («Эреҥер», 1967),
Полатов и Терей («Салика»), Атавай и Якай («Айвика») в постановках разных лет пьес С. Николаева,
коммунист Онтон (трилогия М. Рыбакова «Салтак вате», «Кинде», «Онтон» / «Солдатка», 1969, «Хлеб», 1970, «Онтон», 1972),
Пигелде (А. Волков «Алдиар» (1969),
Осып (М. Шкетан «Ачийжат-авийжат!..» / «Эх, родители!..», 1970)
Виктор (Н. Терентьев «Ӱшан» / Сибирская дивизия, 1972),
Миловидов (А. Островский «Кугорно валне» / На бойком месте, 1973),
Ондржей (К. Чапек «Ава» / Мать, 1973),
главнокомандующий (Б. Брехт «Вуянче ава ден шочшыжо-влак» / Мамаша Кураж и ее дети, 1975),
командир корабля (Вс. Вишневский «Оптимистическая трагедия», 1980),
граф Корнуэл (В. Шекспир «Лир кугыжа» / Король Лир, 1984).
Прокоп (М. Рыбаков «Морко сем» / Моркинские напевы, 1995),
Жеронта (Мольер «Чоя Скапен» / Проделки Скапена, 1995),
священник Филипп Лазаревич (К. Коршунов «Пӱрыдымӧ пӱрымаш» / Несужденная судьба, 1997),
Чемекова (А. Филиппов «Шоҥго ӱдырын мурыжо» / Песня старой девы, 1998).
Монтаж: Служба видеомаркетинга
https://youtu.be/5FFt4uIH0nw