📢 Калыкым волгалтарымаш пост:
ИДЕН
Ожно Ӱпӧ эҥерыш пурышо Шыгыр эҥер серыште Иден лӱман марий патыр шочын. Тудо пеш кугу кушкын шогалын – вуйжо кавашке тӱкнен, ик кечыште кум ӱшкыж марте кочкашыже кӱлын. Марий калыкын чапле аралтышыже лийын. Колаш жап толын шумеке, Иден шке калыклан кечывалвел гыч кусныл илыше пролык калыкын тӱшкан толмышт нерген шижтарен коден. Аралтышым нунын деч йӱдвелыште муаш лиеш, манын ойлен, тушко Султан лӱман у патыр вашке толшаш. Марий калыкым ойго авалта: кусныл илыше пролык калык лишне, нунын деч шылын утлаш жап кодын огыл. Патыр колмыж деч ончыч шке калыклан пытартыш гана полшен кода, тудын капше гоч кӱвар семын вончаш да йӱдвеке эҥерла гоч, чодыра да коремла гоч, кугу Ош эҥер гоч эрташ темла. Патырын капше пеҥгыде лийже манын, тудым вич ӱшкыжын вӱржӧ дене теменыт: оҥжым, кидше ден йолжым. Шола кидшылан ик ӱшкыж ситен огыл, садлан Иден шке кидшым кум мӱй пӱрӧ печке дене темен. Иден мланде ӱмбалне шуйнен возын да чонжым луктын. Марий-влак тудын ӱмбач каеныт. Кӧ пурла кидше дене каен, Ош еҥерым сайын вонченыт. Патырын шола кидше нелым чытен кертын огыл - пудешталтын, кид гыч йоген лекше мӱй пӱрыш марий калык логалыныт да пурен коленыт. Тылеч вара тиде верыште Бирь эҥер йога. Ойлат, пуйто патырын пурла кид копа ойго дене пеш виян ишалтын, лекше вӱржӧ мландыш шыжалтын, а тудо верыште Йошкар манын лӱмдымӧ курык лектын.
Монтаж: Моско марий интернет ТВ
https://youtu.be/tQ8QO2kvG94