24.06.20
Йилнинг иссиқ кунлари бошланганидан кейин кўпчиликда жисмоний тарбияга бўлган мойиллик ортади. Кимдур эрталаб ёки кечқурун ташқарида югуради, жисмоний машқларни бажаради, кимдур сузиш, футбол, воллейбол, ва яна кимдур шунчаки пиёда ёки велисопедда сайр қилади ва ҳоказо. Мен ҳам ҳамкасбларим билан қолганлар сингари ёз кунлари ўзимизни жисмонан қўллаб қувватлашга одатланганмиз. Асосан ишдан сўнг ишхонамиздан унчалик узоқликда бўлмаган спорт майдончасида шуғулланамиз.
Спорт ҳамда соғлом турмуш тарзи бир- бири билан чамбарчас боғлиқ. Буни қуйидаги иккита ибора ҳар доим тасдиқлаган.
Соғлом танда соғ ақл,
Спорт соғлик гарови.
Спорт билан шуғулланган одам ўзини нафақат жисмонан, балки руҳан ҳам тетик ҳис қидади. Буни ҳеч ҳам инкор қилиб бўлмайди, чунки спортсменлар ҳар доим қатъиятли, илғор ва олдинга интилувчилардир. Келинг сизга спортнинг бир қанча фойдали тарафларини санаб бераман:
- Мунтазам равишда спорт билан шуғулланганда суяклар ва тўқималар мустаҳкамлашади, бу ўз навбатида еқилиб тушганда ва лат еганда жароҳат олиш ҳавфини камайтиради.
- Юракнинг чидамлилиги ошади бу ҳам ўз навбатида қариганда инфаркт, инсулт каби касалликлар билан касалланиш ҳавфини камайтиради.
- Қон айланишини яхшилайди
- Бундай соғлом турмуш тарзи қоматни тек тутишда ва яхши сақлашда ёрдам беради.
- Мунтазам жисмоний машқлар стресс ҳолатини камайтиради, кайфиятни яхшилайди, иш қобилиятини оширади. Балким ўшанинг учун ҳам ёшлигидан спорт билан шуғулланган инсонларда қариганда ҳам ёш кўринади, ҳар хил дардлардан азият чекишмайди ва ҳар диом юзларидан табассум аримайди.
Агар сиз ҳам спорт билан энди шуғулланишни бошлаган бўлсангиз қуйидаги қоидалар албатта риоя қилинг.
Биринчи ўринда ўзингизнинг жисмоний ҳолатингизни таҳлил қилиб олинг. Жисмоний машқларда асосийси уни ошириб юбормаслик, акс ҳолда соғлиғингизга путр етиши мумкин. Спорт билан шуғулланиш ниятида бўлганлар машқлар ва ундан сўнг кечадиган ҳисларни таҳлил қилиб кўриши керак. Еқилиб қолгунча ўзини қийнаб машқларни бажариш керак эмас, мушаклардаги етарлича оғирлик ҳисси пайдо бўлгандан сўнг машқларни тугатиш керак. Сиз ҳоҳлаган нажитага эриша олмаганингиздан ҳафа бўлманг, спортда ҳам қолган соҳалардаги каби ривожланиш аста секинлик билан юксала бораверади. Машқ урунишларини аста секинлик билан кўпайтиришга ҳаракат қилинг. Албатта, жисмоний машқларни ҳам инсон ёшига қараб ўз миқдори бўлади. Ёш болалар, ўспирин ва қарилар учун оғир юк билан бажариладиган машқлар мумкин эмас. Ўрта ёшдаги эркак ва аёлларга мутахассис тавсия этган мушак гурухлари билан шуғулланса бўлади.
Машқлар ҳам мунтазам равишда олиб борилиши керак, бир йилда беш- олди марта спорт билан шуғулланиб сиз ҳоҳлаган натижага эришаман ва соғлом турмуш тарзини олиб бораман деб ўйламанг.
Спортнинг иммунитетни яхшилашда ҳам фойдаси катта, айниқса ҳозирги пандемия даврида иммунитетни яхшилаш, ҳар - хил оғир ўткир респиратор аломатларини келтириб чиқарувчи касалликларини енгишда ҳам фойдаси кам эмас. Касал бўлгандан кўра уни олдини олган авзал эмасми? Тиббиёт ҳодимлари ҳам спортни турмуш тарзига тадбиқ қилишни тавсия қилишади. Демак, агар ҳар доим соғлом юришни истасак жисмоний тарбия билан шуғулланишимиз керак экан. Сиз ҳам бугундан спортни кун тартибингизга киритиб қўйинг.