Bugungi maqolamizda bo’lajak marketologlar va biznesga qiziqqan yoshlar, shuningdek, ayni damda shu sohaning ichida bo’lganlar o’qishi shart bo’lgan navbatdagi noyob kitoblardan namunalarni keltirib o’tamiz. Ushbu 10 ta asarning barchasi haqiqiy durdona sanalib, mualliflarning o’zlari ham marketing sohasining eng ko’zga ko’ringan shaxslari sanaladi. Ularning tajriba va bilimlari bilan tanishish siz uchun albatta foydali bo’ladi.
1. Martin Lindstrom – “Buyology. Zamonaviy iste'molchining miyasiga qiziqarli sayohat"
Kitob muallifi Martin Lindstrom 12 yoshida Lego dizayn bo'limida amaliyot o'tagan edi. Keyin u onasiga kosmetika sotishga yordam berib, marketing bilan qiziqdi. 30 yoshida Martin British Telecom / Looksmart’ning global operatsiyalar bo'yicha direktori lavozimiga ko'tarildi.
2015-yilda muallif 40 yoshga to'ldi va u dunyodagi eng taniqli marketologlardan biri deb topildi. Martinning prinsiplari inqilobiy bo’lib, uning qarashlari noyob va uslublari qat'iydir.
“Buyology. Zamonaviy iste'molchining miyasiga qiziqarli sayohat" kitobida Lindstrom o'zining uch yillik o'qishi davomida yetti million dollarlik budjet bilan qilgan ajoyib xulosalarini taqdim etadi.
Nega sotib olamiz? Bizning qarorlarimizga nima ta'sir qiladi? Yorqin reklama, original shior yoki “jingl-qo'shiq'” – qaysi biri foydali? Yoki qaror qabul qilish jarayonlarida nimalarni o’tkazib yuboramiz? Bu savollarning barchasiga muallif o’z tajribalari orqali javob beradi.
2. Jo Pulitsi – “Epik kontent-marketing”
Jo Pulitsi kontent-marketing institutining asoschisi, dunyodagi eng yaxshi SEO mutaxassislaridan biri hisoblanadi. U kontent haqida hamma narsani biladi. Ushbu kitobda Jo kontent bilan ishlash bo'yicha juda ajoyib maslahatlarni bergan.
Kitob ta'lim beradigan, ko'ngil ochadigan va mijozlarga ta'sir qiladigan voqealarni yaratish jarayoni haqida gapiradi. Kontent mijozlar savollariga prognoz qila olish, jonli, kulgili, jamoatchilik fikrini aks ettira oladigan bo’lishi kerak, deydi muallif. Kitobni albatta o'qib chiqing, unda juda ko'p kutilmagan hodisalar va ularga yechimlar mavjud.
3. Olivie Blanshar – "Ijtimoiy media: investitsiyalarning daromadliligi (ROI)"
Olivie Blanshar – brend va marketing bo'yicha yetakchi mutaxassis, ijtimoiy mediada dasturlarni ishlab chiqqan shaxs hisoblanadi.
Ijtimoiy tarmoqlar va blog daromadliligini qanday baholash mumkin? Nima uchun biznes bunga ehtiyoj sezadi? Kitobdan eng yaxshi mutaxassisning ushbu savollarga javobini topasiz. Shuningdek, rejalashtirish, o'lchash, tahlil qilish va optimallashtirishning samarali strategiyalari haqida ham bilib olasiz.
4. Emanuel Rozen – "Sarafan radio anatomiyasi"
Emanuel Rozen sarafan radio (mish-mish, PR) haqida hamma narsani biladi, chunki u bu narsadan tijorat maqsadlarida birinchilardan bo'lib foydalangan. Muallif o'z karyerasini kopirayterlik bilan boshlagan, keyin to'qqiz yil davomida yirik kompaniyaning marketing bo'yicha vitse-prezidenti sifatida ishlagan. Aynan o'sha paytda u Buzz effektiga – shaxsiy tajriba va fikr almashish orqali ma'lumotni tezkor ravishda tarqatishga e'tibor qaratdi.
Muallif o’z kitobida butun dunyo bo'ylab xaridorlarni rag'batlantirish va internetda og'zaki so'zlashuv orqali savdo-sotiqni amalga oshirishingiz mumkin bo'lgan usullarni baham ko'radi.
5. Chip va Den Xitlar – “Yopishish uchun qilingan”
Den Xit ijtimoiy tadbirkorlikni rivojlantirish bilan shug'ullanadi, Chip esa Stenford Oliy Biznes Maktabida dars beradi. "Yopishish uchun qilingan" kitobida ular nima uchun ba'zi g'oyalar virus kabi tarqalishini, boshqalari esa tezda o'lishini batafsil ko'rib chiqadilar.
6. Xolid Solih, Ayat Shukayri – "Veb-saytning konversiyasini oshirish"
Bu kitob mualliflarning katta tajribasidan kelib chiqqan holda Internet-marketing bo'yicha amaliy qo'llanma hisoblanadi. Ushbu kitobdan qanday qilib xaridorlarni savdo voronkasiga jalb qilish, mijozlarning turiga va ehtiyojlariga qarab sotish texnikasini qanday o'zgartirish kerakligi haqidagi bilimlar joy olgan.
7. Garri Bekvit – "Ko‘rinmas savdo"
Minglab yirik korxonalar bilan yigirma besh yillik amaliy ish Garri Bekvitga bu kitobida o'z fikrlari va g'oyalarini ifoda etish imkoniyatini berdi. Muallif Federal Express, Citicorp va xususiy korxonalar bilan ishlaganida sodir bo'lgan unutilmas haqiqiy voqealar yordamida marketingning tabiati va nyuanslarini tushunishga yordam beradi.
Mijozni sizning xizmatlaringizdan foydalanishga qanday ishontirishingiz va boshqalarga ko'rinmaydigan eng yaxshi fazilatlaringizni qanday sotishingiz mumkinligi haqida so’z boradi.
8. Set Godin – "Ishonchli marketing"
Bu eng mashhur marketing guru (shaxs)laridan biri. Set Godin an'anaviy marketingni buzib tashlagan, televizion reklama, sovuq qo'ng'iroqlar va potensial mijozlarning yurak urishiga olib keladigan boshqa narsalar haqida o’ylab chiqqan. Ushbu kitobda u qanday qilib mijozlaringizni qidirib topish mumkinligi haqidagi marketing tamoyillarini bayon qiladi.
9. Robert Chaldini – "Ta'sir psixologiyasi"
Doktor Chaldinining mumtoz asari nima uchun odamlar "ha" deyishlarini aniq tushuntiradi va buni savdoda qanday foydalanish mumkinligini ko'rsatib beradi.
Oltita asosiy prinsip yordamida siz boshqalarni qanday qilib ishontirishni va o'zingizni boshqa odamlarning ta'siridan qanday himoya qilishni o'rganasiz.
10. Al Rays va Jek Trout – "Joylashish. Taniqlilik uchun kurash”
Yana bir klassik asar. Siz bu kitobdan nufuzli brendni yaratish uchun bozorni jalb qilish usullari va strategiyalarini o'rganasiz. Shuningdek, ushbu kitobdan biznesingizning orqa tomoni, ya'ni zaif tomonlarini qoplash uchun o'zingizning strategiyangizni tuzish haqidagi noyob ko’nikmalar joy olgan.
Yuqoridagi kitoblar bilan tanishishingiz – zamonaviy marketing va biznes haqidagi tushunchalaringizni o’zgartirib yuborishi aniq. Qolip va shablonlardan voz kechish hamda muvaffaqiyat qozonish uchun bu kitoblarni albatta o’qib chiqing. Omad!