Davlat aktivlarini boshqarish agentligi shaffoflikni taʼminlagan holda “Coca-cola Ichimligi Uzbekiston, ltd” masʼuliyati cheklangan jamiyatini ommaviy savdolar asosida xususiylashtirishga tayyorlamoqda.
Bu jarayonga Investitsiyalar va tashqi savdo vazirligi bilan birgalikda nufuzli xalqaro moliya tashkilotlari, xorijiy investitsiya vositachilari va auditorlik kompaniyalarini jalb etish rejalashtirilgan.
Maʼlumot uchun: Hozirgi kunda "Coca-cola Ichimligi Uzbekiston, ltd” masʼuliyati cheklangan jamiyati ustav kapitalidagi - 57,118 foiz ulush "O‘zbekoziqovqatxolding" kompaniyasiga va 42,882 foiz "The Coca-Cola Export Corporation" (AQSH) kompaniyasiga tegishli.
Shuningdek, bir necha oy avval, "Coca-cola ichimligi Uzbekiston, LTD" MCHJ ishlab chiqarishni modernizatsiyalash uchun kompaniyaga 2020-2021-yillar uchun 31 million dollar investitsiya kiritilishini ma'lum qilgan edi. Biroq ko'rib turganingizdek, voqealar rivoji bugunga kelib o'zgarib ketdi.
Bundan tashqari, ichimliklar ishlab chiqarishga ixtisoslashgan bu korxonaning 2018-yilgi o`sishi 38 foiz, 2019-yilgi o'sishi esa 33 foizni tashkil etganligini ham unutmaslik darkor. Bu esa o'z navbatida xalqaro Coca-cola kopmaniyasining turli davlatlardagi sho'balar o'sish ko'rsatkichlari orasida eng yuqorilaridandir.