Хабарингиз бор, жорий йилнинг 5-6 июнь кунлари Ўзбекистон Республикаси Президенти Фарғона вилоятида бўлиб қайтди. Ташриф доирасида “Тадбиркор - ислоҳотчи” ташаббуси илгари сурилган бўлиб, унга кўра вилоят тадбиркорлари томонидан юрт равнақига хизмат қилувчи янги ғоялар илгари сурилади, шунингдек, мутасадди ташкилот, вазирлик ва идоралар вакиллари ислоҳотларга кўмакчи бўлаётган тадбиркорларнинг дардини эшитади ва муаммоларини ҳал қилади.
Ушбу ташаббусни жойида амалга ошириш мақсадида 12-13 июнь кунлари Фармацевтика тармоғини ривожлантириш агентлиги директори ўринбосари Алишер Темиров Фарғона вилоятига хизмат сафарини уюштирди. У ерда Фармагентликнинг вилоят бошқармаси бошлиғи Орифжон Фозилов билан биргаликда худда жойлашган фармацевтика корхоналари раҳбарлари ва вакиллари билан учрашиб, улардаги янги ғоя ва лойиҳаларни тинглаб, мавжуд муаммолар ҳамда уларни бартараф этиш йўлларини мухокама қилдилар.
Ташриф давомида мутасаддилар “Зуннур Сервис Фарм” МЧЖ, “FERGHANA INVICTA PHARM” МЧЖ, “Водий Умум Савдо” МЧЖ, “MED INVEST FARM” МЧЖ, “Меҳригиё” хусусий корхонаси, “DARMON FAYZ FARM” МЧЖ, “Pharmacia” МЧЖ, “Life Import” МЧЖ, “Шифо-Б” МЧЖ, “Олимжон Фарм Медикал” МЧЖ, “Замин азия фарм” МЧЖ фармацевтика корхоналари фаолиятини жойига чиқиб ўргандилар.
Фармацевтика тармоғини ривожлантириш агентлиги директори ўринбосари Алишер Темировнинг айтишича, ўрганишлар давомида янги лойиҳаларни амалга ошириш учун 3 га ер майдони зарурлиги аниқланди ҳамда вилоятнинг тегишли ташкилотларига ушбу ер майдонларини аукционга қўйилиши масаласи белгиланди.
Шунингдек, умумий қиймати 3,842 млн. АҚШ доллари ҳамда 12,5 млрд. сўм кредит маблағлари зарурлиги аниқланиб, ушбу маблағларни ўрнатилган тартибда ажратиш чоралари белгиланди.
Айтиш жоиз, ҳозирги кунда Фарғона вилоятда дори воситаларини ишлаб чиқарувчи – 5 та, тиббий буюмлар ишлаб чиқарувчи – 4 та, тиббий техника ишлаб чиқарувчи - 1 та, доривор ўсимлик хом-ашёсини қадоқловчи – 3 та ҳамда дори воситалари ва тиббий буюмлар улгуржи савдоси билан шуғулланучи – 42 та корхона, 11 та дори воситалари тайёрлаш билан шуғулланувчи дорихоналар, 649 та хусусий дорихона ҳамда уларнинг 348 та дорихона шахобчалари мавжуд, ҳамда 235 та ижтимоий дорихона ва уларнинг филиаллари фаолият юритмоқда.
Фармацевтика тармоғини ривожлантириш агентлиги Матбуот хизмати
Кўпроқ янгиликлар бизнинг @Uzpharm_agency telegram-каналида
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81 (998 90) 3510166
Электрон манзил: farmagentlik@minzdrav.uz
Uzpharmagency расмий саҳифалари: