Найти тему
Uzpharmagency

Респубика махсус комиссияси қандай ҳуқуқий мақомга эга ва унинг таркиби кимлардан иборат?

Республика махсус комиссияси Ўзбекистон Республикасига коронавируснинг янги тури кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Президент фармойиши (Ф-5537-сон 29.01.2020) га кўра ташкил этилган бўлиб, Ўзбекистон Республикаси Бош вазири А.Н. Арипов Комиссия раҳбари этиб белгилан. 

Республика комиссиясининг асосий вазифалари қуйидагилардан иборат:

➖ умумжаҳон, минтақавий ва мамлакат ичидаги эпидемиологик вазиятни доимий таҳлил ва мониторинг қилиш, мамлакатда коронавируснинг тарқалиши ва эпидемиологик вазиятнинг ёмонлашиши тенденцияларини прогноз қилиш;

➖ коронавирус тарқалишининг олдини олиш бўйича ҳаракатларни мувофиқлаштириш ва уларга тузатишлар киритиш мақсадида ХХР ва бошқа манфаатдор давлатларнинг давлат тузилмалари ҳамда халқаро ташкилотлар билан зарур ҳамкорликни ва маълумот алмашишни ташкил этиш;

➖ коронавирус муаммолари бўйича тадқиқотларни мувофиқлаштириш, ушбу касалликни профилактика қилиш, диагностика ва даволашнинг замонавий ва самарали усулларини ишлаб чиқиш ва жорий этиш;

➖ захирани шакллантириш ва соҳага алоқадор соғлиқни сақлаш муассасаларини ҳамда аҳолини диагностика воситалари, вирусга қарши препаратлар ва шахсий ҳимоя воситалари билан ўз вақтида зарур ҳажмда таъминлаш;

➖ илғор хорижий тажрибани ўрганиш асосида мамлакат ҳудудида коронавирусга ўз вақтида диагностика ва комплекс профилактика қилиш бўйича самарали чора-тадбирларни ташкил этиш, шунингдек. эпидемиологик ноқулай давлатларда вақтинча яшаётган ва коронавирус билан касалланиш хавфи юқори зоналарга тушиб қолган Ўзбекистон Республикаси фуқароларига зарур ёрдам кўрсатиш;

➖ коронавирус бўйича эпидемиологик вазиятнинг ёмонлашиши эҳтимоли белгиларини ўз вақтида аниқлаш ва касалланиш хавфини камайтириш ҳамда беморларга малакали тиббий ёрдам кўрсатишга қаратилган профилактик ва эпидемиологияга қарши комплекс чора-тадбирларни амалга ошириш;

➖ замонавий оммавий ахборот воситалари (телевидение, радио, Интернет, ижтимоий тармоқлар, мобил алоқа операторлари ва бошқалар)ни жалб қилган ҳолда аҳоли ўртасида коронавируснинг тарқалишига имкон берувчи сабаблар ва шарт-шароитларни тушунтириш, шунингдек, уни профилактика қилиш усуллари бўйича санитария-маърифий ишларни самарали ташкил этиш;

➖ коронавирус бўйича эпидемиологик вазият мураккаблашган ҳолатда Ўзбекистон Республикасига коронавируснинг кириб келиши ва тарқалишининг олдини олишга қаратилган кечиктириб бўлмайдиган чораларни кўриш бўйича таклифларни тайёрлаш ва Ўзбекистон Республикаси Президентига киритиш.

Республикасига махсус комиссияси таркиби:

Screenshot: Lex.uz
Screenshot: Lex.uz

Эслатиб ўтамиз, тегишли вазирлик ва идоралар раҳбарлари зиммасига Чора-тадбирлар дастуридаги тадбирларнинг ўз вақтида ва самарали амалга оширилиши юзасидан шахсий жавобгарлик юкланган.

Фармацевтика тармоғини ривожлантириш агентлиги Матбуот хизмати

Кўпроқ янгиликлар бизнинг @Uzpharm_agency telegram-каналида

Манзилимиз: 100084 Тошкент шаҳри, Чингиз Айтматов кўчаси, 1-А уй.

Телефон:  (998 71) 203-81-81 (998 90) 3510166

Электрон манзил: farmagentlik@minzdrav.uz

Uzpharmagency расмий саҳифалари:

Telegram | Instagram | Facebook | Youtube | Twitter