Пандемия күпләрне күңел төшенкелегенә бирелергә, гадәти яшәү рәвешен үзгәртергә мәҗбүр иткәндер. Ә бу иммунитетның түбәнәюенә китерергә, вирусларга бирешүчәнлекне арттырырга мөмкин. Иммунитетны ничек ныгытырга?
Режим буенча яшәү мотлак. Көн саен бер үк вакытта ятып, 8-9 сәгать йоклап, бер үк вакытта торырга тырышырга кирәк. Йоклый алмыйча интексәгез, йокы дарулары урынына аларның табигый аналогларын куллана аласыз: болар - лаванда, мелисса эфир майлары, тынычландыра торган чәй.
Дөрес тукланыгыз. 4-5 сәгать саен аз-азлап ашагыз, төшке ашыгызда, һичшиксез, шулпа булсын. С витамины кулланыгыз. Ул карлыган кайнатмасында, петрушкада да бар, онытмагыз.
Табан асларына, учларга массаж ясагыз. Анда биологик актив нокталар урнашкан.
Саф һавада йөрергә җай һәм вакыт табыгыз! Җәмәгать урыннарында булмаганда, башкаларга якын килмәгәндә битлекне вакытлыча салып торырга да була. Ультрашәмәхә нурлар астында организмда барлыкка килгән Д витамины шатлык гормоны – эндорфин булдыра.
Ешрак елмаегыз. Уңышлы шаярудан рәхәтләнеп көлә белүче кешеләрнең аз елмаючы артык җитди дусларына караганда сирәгрәк авыруы исбат ителгән.