Коронавирус пандемиясында көптеген елдер, компаниялар мен адамдар санаулы күндер ішінде жаңа тәсілдермен өмір сүріп, жұмыс істеуді үйренуге мәжбүр болды. Бастапқыда ешкім аса мән бермеген вирус бірнеше аптада қоғамдық сана мен көптеген бизнес-процестерді өзгертті - өзін-өзі оқшаулау, қашықтықтан жұмыс істеу және онлайн-білім беру, интернет-сауда және байланыссыз жеткізу дәуірі басталды. Сонымен қатар денсаулық сақтау жүйесіне ерекше назар аударып, әр адамның тәртіп сақтауы пандемияның ерте аяқталауына қаншалықты әсер ететінін түсіне бастадық.
COVID-19 коронавирусы адамның жүріс-тұрысын, әсіресе тұтыну түрлерін түбегейлі өзгертетіні анық, сондықтан адамзаттың басты талқылайтын тақырыбы жауапкершілік болмақ. Үкімет оқшаулану ережелерін сақтау және ДДҰ-ның барлық ұсыныстарын орындау үшін әр адамның жеке жауапкершілігінен бастап, бүкіл денсаулық сақтау жүйесінің күйреуін болдырмау үшін ауыр шешімдер қабылдауы ықтимал.
Жеке меншік бизнестің жауапкершілігіне ерекше мән бөлінді. Төтенше жағдай режимінде жұмыс істеуді жалғастыратын кәсіпорындар үшін еңбек қауіпсіздігін қамтамасыз ету, сонымен қатар қызметкерлердің ғана емес, сонымен бірге тұтас қоғамның денсаулығын сақтау мәселесі өте маңызды болды.
Мәселен, «Теңізшевройл» ЖШС (ТШО) Атырау облысында коронавирустың таралуына қарсы күресте алғашқылардың бірі болып, 4.6 млн доллар көлемінде қаржылық көмек көрсетті.
Сондай-ақ компания 2020 жылдың наурыз айының соңында 1,3 млрд. теңгеге медициналық бұйымдар мен жабдықтар сатып алып, ауруханаларға тапсырды. Яғни аталмыш қаражатқа медициналық қызметкерлерге арналған бір реттік қорғаныс костюмдер, маскалар, респираторлар, реанимация және тыныс алу құралдары, реанимобиль және екі жедел жәрдем машинасы, жылу өлшеуіштер, дезинфекциялық құралдар мен биологиялық материалдарды тасымалдауға арналған контейнерлер сатып алынды.
Атыраудағы тауарлар мен қызметтердің сапасын бақылау департаментіне (SES) бір термоскан және сегіз пирометр табыс етілді. Анықтама үшін: жылу сканерлері, пирометрлер де температураны лезде өлшеу үшін қолданылады, бірақ жылу сканерлері бірден бірнеше адамға жұмыс істей алады, сондықтан олар адамдар көп жиналатын жерде пайдаланылады, ал пирометрлердің әрекеті бір адамға ғана бағытталған.
2020 жылдың сәуір айының басында Атырау облысы Төтенше жағдайлар департаментіне қауіпсіз жұмыс жасау үшін барлық қажетті құрал-жабдықтар табысталды. Атап айтқанда, қорғаныс құралдары (медициналық маскалар және қолғаптар), пирометрлер мен антисептиктер.
Сонымен қатар ТШО компаниясы Атырау облысы Жылыой ауданының әкімдігіне антисептиктер, көшені тазалауға арналған бактерияға қарсы ерітінділер, терінің дезинфекциясы үшін арналған 5 термоплазма, 10 мың медициналық маска, көзілдіріктер, бір рет пайдалануға арналған халаттар мен қолғаптар жеткізілді. Коронавирусты тез және тиімді анықтау құрал-жабдықтарын сатып алу да маңызды шешім болды. Осы мақсатта Ұлттық сараптама орталығының (ANCE) Атырау филиалына COVID-19 вирусын тексеру үшін құрал-жабдықтар мен тиісті материалдар табыс етілді. Сыйға берілген жабдықтардың жалпы сомасы шамамен 500 миллион теңгені құрады.
Бұл құрылғы Аустралияда өндірілген Rotor-Gene 6000 оптикалық жүйесімен күшейтілген, бұл ПТР (полимер тізбегінің реакциясы) жоғары дәлдік пен жылдамдықты талдауға мүмкіндік береді, яғни көптеген вирустарды, соның ішінде коронавирусты таба алады. Сонымен қатар, ТШО компаниясы ANCE-ге құрал-жабдықтар, сынамаларға арналған термоконтейнерлер, дәрігерлерге арналған қорғаныс костюмдер, антибиотиктер, сондай-ақ персоналды тасымалдау үшін көліктер табыс етті.
Естеріңізге сала кетсек, коронавирус инфекциясын ерте және дәл анықтауы вирустың кеңінен таралуын тоқтатады. Себебі 5 жағдайдың кем дегенде бірінде, бұл ауру симптомсыз өрбиді, ал ауырған адам вирус таратушысы болуы мүмкін.
Рзабек Артығалиев, «Теңізшевройл» ЖШС үкімет және қоғам байланыс жөніндегі бас менеджері:
«ТШО үшін әлеуметтік жауапкершілік - кез-келген шешім қабылдаудағы маңызды қағидаттардың бірі, сондықтан біз төтенше жағдай режимі басталысымен қимылдай бастадық. Әрине, біз үшін өмір мен жұмыстың қалыпты болуы маңызды, сондықтан біз мыңдаған адамдарды вирусты жұқтыру қаупінен сақтап қалған дәрігерлерге көмектесуді жөн көрдік.
Компаниямыздың атынан коронавируспен күресіп жатқан барлық жандарға алғысымды айтамын. Біз қосып жатқан үлес Атырау облысында коронавирустың таралуын тоқтатады деген сенімдеміз.
Қорытындылай кетсек, әлеуметтік қашықтықты сақтау мен оқшаулану бір-бірінен алшақтатуды білдірмейтінін айтқым келіп тұр. Керісінше, қос күштің арқасында бұл індетті жеңіп, тезірек бұрынғы өмір қалпына келуіміз ықтимал. Сондықтан «Теңізшевройл» басқа компанияларды індетті жеңуге өз үлесін қосуға шақырады».