Фармацевтика фаолиятини ривожлантириш учун шарт-шароитларни яхшилаш, аҳоли ва соғлиқни сақлаш муассасаларининг арзон, сифатли дори воситалари, тиббиёт буюмлари ва тиббиёт техникалари билан таъминланганлик даражасини янада ошириш, уларнинг ишлаб чиқарилиши, олиб кирилиши ва сотилишини мувофиқлаштиришнинг ягона тизимини жорий этиш мақсадида Ўзбекистон Республикаси Президентининг (ПФ-5229-сон) фармонига биноан Фармацевтика тармоғини ривожлантириш агентлиги таркибига киритилган Тошкент вакцина ва зардоблар илмий-тадқиқот институти тарихи рақамларда:
1918 йил – Ўрта Осиёда ягона Микробиологик лаборатория , ҳозирги ТошВЗИТИ беланчаги хисобланади.
1910 йил – Тошкентда Чинчечак детритини яратиш ҳаракати бошланган;
1919 йилнинг ўзида 286 л тиф ва холерага қарши вакцина, 430 минг доза Чинчечак детрити ишлаб чиқарилган.
1929 йил – Институтда ташкил этилган санитария-гигиеник лабораторияси, кейинчалик 1930 йилда - Ўзбекистон Эпидемиология, микробиология ва санитария ИТИ га айлантирилди;
Институтнинг паразитология лабораторияси алоҳида мустақил ташкилот –Самарқанд тиббий паразитология ИТИ га ажралди;
1931 йил – Институтда ташкил этилган бир йиллик курсларни 44 – та мутахассислар тугатди;
1940 йил – Институтнинг бруцеллёз лабораторияси – Республика бруцеллёзга қарши станциясига, ўлат лабораторияси эса – Республика ўлатга қарши стациясига айлантирилди;
1950 йил – Ўзбекистон Соғлиқни сақлаш вазирлиги қошидаги Ўзбекистон Эпидемиология, микробиология ва санитария ИТИ собиқ СССР Соғлиқни сақлаш вазирлиги бўйсунувига ўтиб, унга Тошкент вакцина ва зардоблар илмий-текшириш институти номи берилди; Шу даврдан институт ходимлари грипп вируслари штаммларини ўргана бошлади;
1951 йил – профессор Н.И. Ходукин бошчилигида “Термез иситмаси” билан касалланган беморлардан илк бор Ку-иситмаси вируси ажратилиб, унга қарши қуруқ вакцина, 1956 йилда эса – қизамиқга қарши гамма-глобулин ишлаб чиқарилди;
1957 йил – АКДС вакцинаси ва зардоблари, БЦЖ вакцинаси ва туберкулин ишлаб чиқарилиши йўлга қўйилди;
1959 йил – Москва шаҳридаги Чинчечак эпидемиясида ТошВЗИТИ вакцинаси ишлатилди;
1960 йил – Институтнинг Эпидемиология ва микробиология бўлими мустақил ташкилот – Эпидемиология, микробиология ва юқумли касалликлар илмий-текшириш институтига айлантирилди; Шу тариқа, институт лабораторияларидан 6- ТошМИ ва ТошВМОИ микробиология кафедралари ташкил топди;
60 - чи йиллар – Илк бор илон ва қорақурт заҳарларидан антитоксик зардоблар ишлаб чиқарилиши йўлга қўйилди; Натижада, эфа, гюрза, кобра заҳарларига қарши поливалент даволаш зардоби, қорақурт заҳрига қарши даволаш зардоби ишлаб чиқарилди;
1985 йил – Сифат жиҳатидан энг яхши Ичтерлама, Ку-иситмаси, илон ва қорақурт зардоблари, Вирусли гапатит А ва В га қарши эритроцитар иммунодиагностикум ишлаб чиқарувчи ягона ташкилотга айланди;
1988 йилдан – бошқа препаратлар бўйича ҳам;
1988 йилгача - институтда 20 дан ортиқ фан докторлари ва 120 дан зиёд фан номзодлари тайёрланди; 120 дан зиёд вакцина ва зардоблар, ташхис ва даволаш препаратлари 500 дан ортиқ истеъмолчиларга, шу жумладан, ривожланаётган Яқин ва Ўрта шарқ, Лотин Америка ва Африка қитъалари давлатларига экспорт қилинди;
Илмий салоҳияти буюк олимлари эвазига ТошВЗИТИ Чинчечак, лейшманиоз, безгак, ришта, вабо, ўлат, тошмали тиф касалликларини Ўрта Осиё давлатларида йўқотилишига ўз ҳиссасини қўшди.
Aбдураҳмон Aшуров
Тошкент вакцина ва зардоблар илмий-тадқиқот институти директори
Фармацевтика тармоғини ривожлантириш агентлиги Матбуот хизмати
Кўпроқ янгиликлар бизнинг @Uzpharm_agency telegram-каналида
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81 (998 90) 3510166
Электрон манзил: farmagentlik@minzdrav.uz
Uzpharmagency расмий саҳифалари: