"Johnson & Johnson" холдинг компанияси бугунги кунда дори-дармонлар, санитария-гигиена воситалари ва тиббий буюмлар ишлаб чиқрувчи энг йирик фармацевтик компания ҳисобланади. Дунё бўйлаб 250 дан ортиқ филиалларига эга ушбу компаниянинг штаб-квартираси АҚШнинг Нью-Жерси штатида жойлашган.
Компания шиори: биз сиз ва сизнинг соғлиғингиз учун қайғурамиз.
Қуйида ушбу йирик тизим қай тариқа пайдо бўлгани ҳақида танишамиз.
XIX аср оҳирларида жарроҳлик амалиётларидан сўнг беморларнинг 90 % қисмида инфекция юқтириб олиш сабаб аҳволи ёмонлашиш ва ўлим ҳолатлари кузатилар эди. Бунга сабаб жарроҳлик хоналари ва амалиётда ишлатиладиган тиббий буюмлар стерилланмаган ҳолда ишлатиларди.
Жозеф Листер бунга сабаб сифатида "кўринмас қотиллар"(микроорганизмлар)ни келтиради ва бундай фикрни айтаётган биринчи шифокор эмас эди. Кўплаб исбот ва мурожаатлардан сўнг жарроҳлик хоналари ва жиҳозлари дезинфекция қилиниши йўлга қўйилди. Лекин ўлимлар тўҳтамади. Чунки, янгиликлар боғлов материалларига таьсир этмас эди.
1876-йилда Жозеф Листернинг шу мавзудаги навбатдаги нутқига америкалик фармацевт Роберт Жонсон ташриф буюради. Маьруза унда катта таасурот қолдиради ва янги ғоя пайдо бўлади.
Бир неча йилдан сўнг, Роберт дунёда илк маротаба ишлатишга тайёр стерил боғлов материалини иҳтиро қилади. Бу иҳтиро тиббиёт дунёсида тез машҳурликка эришади. Келажакни кўра олган Роберт 1885-йил укалари Жеймс ва Эдвард билан янги компания тузади. Орадан бир йил ўтиб ишлари юришиб кетган ака-укалар Нью-Жерси штати Брунсвикдаги қоғоз заводини биринчи қаватини ижарага олишади. 1886-йилда эса улар " Johnson&Johnson " номли янги компанияни рўйҳатдан ўтказишади.
Шу тариқа фармацевтика гигантининг эраси бошланади.
Боғлов материалларидан ака-укалар пластирлар ишлаб чиқаришга катта эьтибор беришди. Компания тинимсиз ўз маҳсулотлари устида ишлар эди. Шу билан бирга улар 1888-йилда "Замонавий антисептика методлари" китобини босиб чиқаришди. Бу улар учун жуда катта пиар вазифасини ўтаб берди ва жуда кўплаб мижозларни жалб қила олган, узоқ йиллик реклама вазифасини ҳам бажарди.
Компания ютуқларида илмий директор Фредрик Кимлернинг ҳиссаси катта бўлди.
Айнан унинг таклифига кўра, лейкопластирларни қадоқлашда маҳсус италян талки қўшиб қадоқлаш йўлга қўйилади. Баьзи маьлумотларда талк кейинчалик шикоят қилган мижозларга қадоқланган ҳолда юборилган, деб келтирилади. Чунки айнан лейкопластирлардан фойдалангандан сўнг теридаги қўзғалишлардан фойдаланувчилар томонидан кўплаб шикоятлар тушар эди. Фойдаланувчилар талкдан фарзандларининг орқасидаги тошмаларда ҳам фойдаланишларини ва яхши самара беришини айтишади. 1893-йилдан компания талкни ароматизаторлар билан бойитиб, алоҳида маҳсулот-болалар упаси кўринишида ишлаб чиқара бошлади. Ҳозирги кунда ҳам Johnsons Baby упалари нафақат компаниянинг балки дунёдаги энг машҳур маҳсулотлардан саналади.
Маҳсулотларни қайноқ буғ оқими билан стерилизация қилишни йўлга қўйиш компанияга шон-шуҳрат олиб келди. 1916-йилга келиб компания ҳом-ашё билан таьминлаш мақсадида Chicopee Manufacturing Corporation текстил компаниясини сотиб олди.
1921-йилга келиб компания ўзининг Band-Aid брендини яратди.
Шу йилнинг ўзида компания болалар креми ишлаб чиқаришни ҳам йўлга қўяди. 1927-йилдан эса аёллар гигиена воситаларини ишлаб чиқаришни бошлайди.
Компания ривожланиш тариҳига оид қолган маьлумотлар билан кейинги постларимизда танишишингиз мумкин.
Фармблог-Ўзбекистондаги илк фарм-блогерлар жамоаси ҳамкорлигида, Фармацевтика соҳасини ривожлантириш ва уни тарғиб қилиш учун яратилган универсал канал.