Agar siz shularga e'tiborni qaratmasangiz, hayot osonroq va zavqli bo'ladi. Baxtli hayot sari yo’l ochiladi.
1. Boshqalarning ma'qullashi
Odamlar siz haqingizda nima deb o’ylashi bilan ishingiz bo’lmasin. Buning umumazn nima farqi bor? Agar siz o'zingizning qarorlaringizdan mamnun bo'lsangiz, siz to'g'ri tanlov qildingiz va boshqalar nima deyishi muhim emas. Boshqa odamlarning fikrlarini o'qish uchun qancha kuch sarflayotganingizni tasavvur qiling-a, lekin baribir topa olmaysiz.
Maslahatlarni eshiting - bemalol, lekin boshqalarga sizning qanday yashashingizni hal qilishiga yo'l qo'ymang.
2. G'azab va xafagarchilik
G'azab ichkaridan yo'q qiladi, shuning uchun yoqimsiz odamlar bilan yarashishni o’rganing. Bu janjalga sabab bo'lmaslik uchun boshqalarga sizni ishlatishlariga ruxsat berishingiz mumkin degani emas. Siz faqat ichkarida qoladigan nafrat, xafagarchilik va og'riq bilan kurashishingiz kerak. Esingizda bo'lsin: g'azablantirgan kishi, sizni boshqaradi.
Ba'zilar xafagarchilikni mazali taom sifatida iste'mol qiladilar va bu hech qanday yaxshilikka olib kelmaydi. Bunday tuyg'ular odamlarga emas, balki faqat sizga zarar qiladi.
3. Ideal tananing tasviri
Go'zallik sanoatining tendentsiyalarini, qarindoshlaringiz va do'stlaringizning fikrini qanchalik tez-tez kuzatib borasiz? Tana, aslida sizga tegishli bo'lgan ozgina narsadir. Shuning uchun tanangizning qanday ko’rinishga ega bo’lishi faqat sizga bo’g’liq. Eng muhimi, o'zingizni qanday his qilishingiz. Qolgani bekor.
4. Mukammal sherikni orzu qilish
Har kim hayollarida ideal sherik ega bo'lishi kerak bo'lgan bir qator fazilatlar ro’yxatiga ega. Ammo hayot odatda bu ro'yxatlarga tupuradi.
Baxtli bo'lish uchun siz odamni butun qalbingiz bilan sevishingiz, yonida o'zingizni qulay va yengil his qilishingiz va u sizni qanday bo’lsangiz shunday qabul qilishi kerak. Hech bo'lmaganda ro’yxatingizdagi dastlabki ikkita fikr to'g'ri keldimi - ajoyib, siz kerakli insonni topdingiz.
5. Mukammal hayot
Zo'r sherik yo'qligi kabi, mukammal taqdir ham yo'q. Hayot - bu unga sarmoya kiritadigan narsa, shuning uchun agar siz jiddiy ishlashga va kuch sarflashga tayyor bo'lmasangiz, unda siz baxtsiz bo'lishga qaror qildingiz.
Siz o'zingizning olamingizni, dunyolar orasida eng go'zalini yaratishingiz mumkin.
6. Boylik bu maqsad
Ko'p odamlar millioner bo'lish g'oyasi bilan yashaydilar. Bu yaxshi maqsad, ammo unga erishish uchun ko'p mehnat talab etiladi.
Faqatgina yirik miqdordagi pullarga boqib qolmang. Asosiysi, ishtiyoqingiz va qiziqishlaringizga mos keladigan ishni topish, hamda shu sohada eng zo’ri bo’lishga intilish. Shunda pullarning o’zi keladi.
7. Omad uchun umid qilish
Sizga omad kelishini kutmang. Hayotingizni baholang. Hozirgacha va hozirda bor narsalaringiz uchun minnatdor bo'ling. Axir bu dunyoga, millionlab hujayralar orasidan, aynan biz dunyoga kelganimizning o’zi omad.
8.O’zini oqlash
O’zini oqlash- bu uzoq vaqt davomida qilish kerak bo’lgan ishni qilmaganda, o’zini ovsar va dangasa his qilmaslik uchun ishlatiladi.
9. Sobiq insonlar haqida o’ylash
Siz ajraldingiz va bunga arzirli sabab bor edi. Oldingi sevgingizni eslab, bu odam haqida emas, balki hayot sizga o'rgatgan saboqlar haqida o'ylang. Hech qachon siz bilan birga bo'lmaydigan kishi haqida ham, unga bo'lgan his-tuyg'ular haqida ham o'ylamang. Bu faqat yangi munosabatlarni buzadi va sizni azoblaydi.
10. O'jarlik
Biror narsada xato qilganingizni tan olish juda qiyin. Shunchaki boshqa odamlar biron bir narsani to'g'ri bajarganlarida sizdan ko’ra ko'proq bilimga yoki qobiliyatga ega bo'lishgan. Shuning uchun qarshilik ko'rsatishni bas qiling, shunchaki buni oddiy fakt sifatida qabul qiling. Qanchalik qaysarligingiz kam bo'lsa, yangi narsalarga shunchalik ochiq bo'lasiz. O'zingiznikidan boshqa birovning fikrini tushunishga va qabul qilishga harakat qilsangiz, qanday tajribaga ega bo'lishingiz haqida o'ylang ko’ring.
11. Kechiktirish
Vazifalarni ertaga o'tkazishni to'xtating, bugun yashang. Agar siz doimiy ravishda biror ishni to'xtatib qo'yaversangiz, o’ylab ko’ring, o’sha ish amalga oshirilishga arziydimi yoki yo'q? Ehtimol, sizga kerak emasdir? Va agar kerak bo'lsa, uni hoziroq qabul qiling: doimiy ravishda kechiktirish aybdorlik hissi va stressni keltirib chiqaradi. Azob chekishga arziydimi?
12. Xotiralar bagaji
O’zingiz bilan xotiralar bagajini olib yurishingiz yaxshi emas, ayniqsa, o'tmishdagi munosabatlar haqida. Agar siz biron bir kishini qattiq sevgan bo'lsangiz yoki uni sevganman deb o’ylagan bo’lsangiz, unda uni o’zingiz xohlamagan holda hech narsa aybi bo’lmagan yangi odam bilan taqqoslayverasiz.
Yangi munosabatlar o'rnatish uchun, eskilaridan xalos bo'lish kerak. Faqat hayotingizdan emas, balki boshingizdan(xotiradan) ham o’chirib tashlang.
Bu umuman barcha munosabatlarda adolatdan bo’ladi: do'stlar, tanishlar, hamkasblar.
13. Negativ
Fikrlar va so'zlar ro’yobga chiqish xususiyatiga ega. Shunday qilib, hayot tarzingizni "hamma narsa yaxshi bo'ladi" ga o'zgartiring. Bunga ishongan odam uchun imkonsiz narsaning o’zi bo’lmaydi.
14. Muhokama
Dunyo bizning fikrlarimizning proektsiyasi bo'lgani uchun, biz aniq bilamizki, barcha g'iybatlar biz haqimizda (chunki o'zimiz ham g’iybat qilamiz). Siz 1-raqamli maslahatni bajara olmaysiz, chunki boshqalarni tanqid qilishni to’xtatmaguncha, ularning fikri haqida o'ylayverasiz.
Esingizda bo'lsin: siz ularning yurgan yo’lidan yurmagansiz, garchi sizga shunday tuyulsa ham. Har kimning boshida o’zining tarakanlari bor(ruscha ibora) va hayotda o'z sharoitlari bor, shuning uchun odamlarni tinch qo’ying.
15. Hasad
Ijtimoiy tarmoqlar odamlarni baxtsiz qiladi. Biz sobiq sinfdoshlarimizga, kursdoshlarimizga, tanishlarimizga qaraymiz va hasad tuyg'ular bilan yonib ketamiz, chunki o’zimizni hech narsaga arzimaydigan buyumdek his qilamiz.
Keyingi safar shunday tuyg’ularni his qilganingizda, o’zingizga shunday savol bering: “Men shu insonni o’rnida bo’lisgni xohlarmidim?”. Menimcha, “YO’Q” deb javob berasiz. Axir siz o’zingizni yaxshi ko’rasiz (hech bo’lmasa, qalbingizni tub-tubida).
Siz bilmaydigan birovning hayotiga qaraysiz va u hozir nima haqida o’ylayapti tasavvur ham qilmaysiz. Balkim, u o’zining uyidagi basseynda sho’ng’iganda, u biror narsadan juda qattiq qo’rqar yoki o’zidan nafratlanar? Balkim, bizning shunchaki parkda aylanib yurganimiz, ularning Moldivaning oppoq qumida o’tirganidan tinchdir?
Boshqalarga qarashni bas qiling. Agar hozir sizda hammasi yaxshi bo’lsa, demak bu to’g’ri. Agar yomon bo’lsa, shunday qilingki, yaxshi bo’lsin.
16. O’ziga ishonmaslik
Baxtli odamlarda o’zini hurmat qilish hissi bor (faqat buni xudbinlik bilan adashtirmang). Ular o’zlaridan mamnun va ishonch energetikasi bilan boy.
O’ziga ishonmaslikka hech qanday sabab yo’q. Agar sizda o’zingiz yomon ko’radigan hislat bo’lsa, 2 ta yo’l mavjud: yo qabul qilish, yo uni o’zgartirish. Har bir insonda hamma narsa bor: ham yolg’onchilik, ham ifloslik, ham oliyjanoblik va boshqalar. Kim bo’lishni esa siz o’zingiz tanlaysiz.
17. Boshqalarga tobe bo’lish
Hech kim ichingizdagi bo’shliqni to’ldira olmaydi. Hech kim sizni kayfiyatizni ko’tarib, muvaffaqiyatli qilib qo’ymaydi; agar siz o'z taqdiringizdan norozi bo'lsangiz. O’z baxtini boshqalar bilan bo’lishish uchun, oldin insonning o’zi baxtli bo’lishi kerak. Shuning uchun omad boshqalarga bo’g’liq deb umid ham qilmang. Bu faqat sizning qo’lingizda.
18. O’tmish
O’tmish bilan yashash-bugungi kunini ko’mish bilan barobar. Xatolar bo’lganmi-xo’p, KIMDA ULAR BO’LMAGAN? O’z o’tmishingizga tantanali ravishda xayrlashish marosimini o’tkazing, lekin hayotdan olgan darsingizni unutmang va bemalol yashang.
19. Umumiy nazorat
Ba'zan siz shunchaki dam olishingiz va hayot o'z yo'nalishini o'zgartirishiga imkon berishingiz kerak. Siz hamma narsani nazorat qila olmaysiz va buni tan olish kerak. Aks holda, siz doimo asabiylashasiz, ammo oxir-oqibat siz hali ham hech narsani o'zgartirmagan bo’lasiz. Shunchaki sizning ixtiyoringizda bo'lmagan narsalar mavjud. Ularni boricha qabul qilish kerak.
20. Kutishlar
Odamlar boshqalar ularning talablariga javob berishlari kerak deb o'ylashadi. Bu bema'nilik. Hech kim sizdan qarzdor emas va siz ham qarzdor emassiz. Hech kim xushmuomala, ehtiyotkor, toza, halol, muloqotda yoqimli, toza bo’lishga majbur emas. Hech narsa mukammal, ajoyib, unutilmas bo'lishi kerak emas, ammo bo'lishi mumkin. Agar shunday bo'lsa - a'lo, agar bo'lmasa - xafa bo'lmaysiz. Hayot sizga yuboradigan hamma narsani qabul qilishga tayyor bo'ling va shunda baxt topasiz.