УКМКнын 9-кызматынын мурдагы кызматкери Канат Сагымбаевдин кайрылуусу
12 мартта Сауд Аравиясынан келген учактын ичинде президенттин бир тууган иниси, Жогорку Кеӊештин депутаты Асылбек Жээнбеков болгонбу? Жогорку Кеӊештин депутаты Ирина Карамушкинанын 30-апрелдеги палатанын жыйынында сүйлөгөн сөзү айрым бийликтин камчысын чаап жүргөн депутаттар тарабынан бетпактык менен бурмаланды. Ирина Карамушкина Ислам динине жана Сауд Аравиясынын дарегине эч кандай шек жарата турган сөз сүйлөгөн жери жок. Тескерисинче, аны табалап, президенттин инисине болушкан «мырзалар» тарабынан коомчулуктун көнүлүн маселенин өзөгүнөн башка нукка буруу аракети жасалды. «Асылбек Жээнбеков 12 мартта Сауд Аравиясынан келген учакта болду беле?», - деген Ирина Карамушкинанын так жана тике суроосу жоопсуз калды. Умра сапары жеке туристтик компаниялар аркылуу ишке ашырылат. Менин билишимче, ал жакка барып келүү үчүн жыл сайын Жогорку Кеӊештин депутаттарына жана президенттин тегерегиндеги адамдарга бекер квота каралган. Мени жана жалпы коомчулукту да кызыктырган суроо – «Мындай мүмкүнчүлүккө бул сапар кайсы депутат ээ болду экен?». Балким, Асылбек Жээнбеков өзү ээ болгон чыгаар? Кыргызстанда өзгөчө кырдаал жаралып, көйгөйлүү маселелер каралып жатканда, Жогорку Кеӊештин жыйындарына Асылбек Жээнбеков эмне себептен катышпайт? Же президенттин жакын адамдарына элдин, өлкөнүн көйгөйү маанилүү эмеспи? Ар Бир Кыргызстандын жараны өзу шайлаган эл өкүлүнөн отчет алууга укугу бар. Ал эми эл өкүлү эл алдында отчет берүүгө милдеттүү. Эгер бийлик чындыкты жашырбаса, так маалыматты коомчулукка ачыктасын. Кезектеги көнүмүш адатынча калпын айтып, же чындыкты жашырса, Ак үйдүн өз аброюна эле шек жаралат. Элдин бийликке болгон ишеними бүгүнкү күндө ансыз да болуп көрбөгөндөй төмөн деӊгээлде.
Толугу менен биздин социалдык тармактардагы баракчаларыбызда: ⠀
⬇️
YouTube - www.youtube.com/c/nexttvchannel
Facebook - www.fb.com/nextvchannel
Instagram - www.instagram.com/nexttv_kg
Twitter - www.twitter.com/nexttv_kg
Telegram - t.me/nexttvchannel
Сайт: www.nexttv.kg
#NextTV #Жанылыктар #Маалымат #КыргызРеспубликасы #Саясат