Коронавирус пандемияси ҳаёт, яшаш, гўзаллик ва тоза ҳаво бизга асли катта мукофот эканлигини англатди. Ва меҳр-муҳаббат, қадрият, инсонийлик фазилатлар юксаклигини яна бир бор эслатди.
Шундай шароитда кўплаб тадбиркорлар ва фаоллар томонидан инсонлар ҳолидан хабар олиш, уларга кўмак бериш мақсадида хайрия акциялари ташкил этила бошланди.
“Жўрабек лабораторияси” МЧЖ, “FAZO-LUXE” МЧЖ, “Узгермед фарм” МЧЖ, “Хуршида ИНТЕР ДЕЛЮКС” МЧЖ, “Мерос Фарм” МЧЖ, "Medprotect" компаниялари ҳам меҳрибонлик, саховат ишлари учун киришиб кетдилар.
“Элга кўмак бериш ва мададкор бўлиш бурчимиз”, -дейди тадбиркорлар. COVID-19 пандемиясига қарши курашда жонини фидо қилаётган шифокорлар учун Тошкент вилояти Соғлиқни сақлаш бошкармаси билан “Жўрабек лабораторияси” МЧЖ компанияси 360 млн сўмлик хайрияни амалга оширди.
“Хуршида ИНТЕР ДЕЛЮКС” МЧЖ 23 млн, “Мерос Фарм” МЧЖ компанияси 55 млн “Меҳр-шафқат ва саломатлик” жамоат фонди ҳисобига кўмак бердилар.
“FAZO-LUXE” МЧЖ компанияси Тошкент вилояти Тошкент туманида яшовчи 50 та кам таъминланган хонадонларга рўзғорга биринчи керакли бўлган маҳсулотлардан 50 та қутида етказиб бердилар.
“Узгермед фарм” МЧЖ компанияси ҳам ҳайрли ишга қўл уриб Тошкент вилояти Юқори Чирчиқ, Янгибозор шаҳарчасида яшовчи кам таминланган 20 хонадонга керакли бўладиган маҳсулотлардан 20 қутида хайрия қилдилар.
Мамлакатимиз аҳолиси бошидан синовли кунларни ўтказаётган бир пайтда бу каби амалга оширилаётган хайрли ишлар бир-биримизга бўлган меҳр-оқибатни мустаҳкамлашда туртки бўлади. Фармацевтика тармоғини ривожлантириш агентлигининг Ёшлар иттифоқи вакили Шарофиддин Мирҳайитов ҳам хайрли ишларнинг бошида туриб, ўз кучини аямай келмоқда.
Ҳар биримизнинг қурбимиз етганича, имконият даражасида саховат кўрсатишимиз - бизнинг инсоний бурчимиздир. Бинобарин, бу ҳаётда инсондан фақат яхшилик қолади. Шундай халқ учун ҳам сиз уйда қолинг!
Халқнинг дарди билан яшаш, халқнинг дардига малҳам бўлиш, халқнинг манфаатини кўзлаш асли ўзлигимизга хос фазилатдир.
Фармацевтика тармоғини ривожлантириш агентлиги матбуот хизмати
Кўпроқ янгиликлар бизнинг @Uzpharm_agency telegram-каналида
“Uzpharmagency” телеграм каналида эълон қилинган материаллардан нусха кўчириш, тарқатиш ва бошқа шаклларда фойдаланишда каналимиз манба сифатида кўрсатилиши шарт!
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81
Электрон манзил: farmagentlik@minzdrav.uz
Uzpharmagency расмий саҳифалари: