"Дунё китобга ўхшайди. Ўз юрти ҳақида билимга эга киши, ушбу китобдаги фақат биринчи саҳифани ўқиган ҳисоб" - Жорж Байрон
23 апрель - жаҳон адабиёти учун рамзий сана – Бутун жаҳон китоб ва муаллифлик ҳуқуқи куни (World Book and Copyright Day).
1995 йил 23 апрель куни Парижда бўлиб ўтган ЮНЕСКО анжуманида китоб ва муаллифларга эҳтиром кўрсатишга қарор қилиниб, барча, айниқса ёшлар инсониятнинг ижтимоий ва маданий тараққиётига ҳисса қўшганларнинг бебаҳо неъматларини ўқиш ва ҳурмат қилишга чорланди. Ва шу сана Бутунжаҳон китоб ва муаллифлик ҳуқуқи куни деб эълон қилинди, ҳамда Болалар ва ёшлар адабиётида бағрикенглик ғояларини тарғиб қилгани учун ЮНЕСКО мукофоти таъсис этилди.
Қарор маданий анъаналар ҳақида билим бериш ва ушбу билимларни ривожлантириш мақсадида, шунингдек, китоблар билимларни тарқатишнинг энг катта воситаси, уни сақлашнинг энг ишончли усули эканлигини ҳисобга олган ҳолда қабул қилинди.
Бутунжаҳон китоб ва муаллифлик ҳуқуқи кунини нишонлаганда, барчамиз ҳар бир давлат маданиятини сақлаш ва оширишда китобларнинг муҳим ролига алоҳида эътибор беришимиз керак. Зеро, китоб инсониятнинг маданий меросини ҳимоя қилиш ва бойитиш борасидаги умумий саъйи-ҳаракатларимизда энг яхши ёрдамчидир.
Шу боис, ҳар йили ушбу кунга бағишланган турли ташаббус ва тадбирлар сони кўпайиб, уларнинг жуғрофияси кенгаймоқда.
Ушбу санада уюштириладиган энг оммабоп тадбирлар орасига китоб кўргазмалари ва китоб бозорлари, жаҳон адабиёти классикларининг асарларини оммавий ўқиш ва турли маданий-кўнгилочар тадбирлар киради.
Aммо 2020 йилда коронавирус пандемияси сабаб барча давлатларда байрамлар бекор қилиниши мумкин.
Бугунги байрамнинг яна бир одати бор - ҳар йили, 2001 йилдан бошлаб, шу куни дунёнинг битта шаҳри бир йилга «Жаҳон китоби пойтахти» унвонига сазовор бўлади. Танлов комиссияси таркибига ЮНЕСКО ва учта халқаро ноширлик ташкилотлари киради.
Ушбу номнинг берилиши шаҳарларнинг нашриёт ва китобхонликни ривожлантириш, шунингдек китоб нашриётидаги асосий шериклар ўртасидаги ҳамкорликка интилишининг далилидир. Дунёнинг кўплаб шаҳарлари бу унвонга сазовор бўлган. Улар орасида Мадрид (Испания), Aлександрия (Миср), Нью-Деҳли (Ҳиндистон), Монреал (Канада), Богота (Колумбия), Байрут (Ливан), Любляна (Словения), Буенос-Aйрес (Aргентина), Ереван (Aрманистон), Бангкок (Таиланд), Порт-Харкорт (Нигерия), Вроцлав (Польша), Aфина (Греция), Шаржа (БAA) ва бошқалар.
Фармацевтика тармоғини ривожлантириш агентлиги Матбуот хизмати
Кўпроқ янгиликлар бизнинг @Uzpharm_agency telegram-каналида
“Uzpharmagency” телеграм каналида эълон қилинган материаллардан нусха кўчириш, тарқатиш ва бошқа шаклларда фойдаланишда каналимиз манба сифатида кўрсатилиши шарт!
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81
Электрон манзил: farmagentlik@minzdrav.uz
Uzpharmagency расмий саҳифалари:
Telegram | Instagram | Facebook | Youtube | Twitter