Оксфорд университетида янги коронавирусга қарши ишлаб чиқилган вакцина шу ҳафтада, яъни 23 апрель куни одамларда синовдан ўтказила бошлайди, дея маълум қилди Буюк Британия соғлиқни сақлаш вазири Мэтт Хэнкок.
“Клиник синовларни молиялаштириш учун Оксфорд мутахассисларига 20 миллион фунт стерлинг ажратилади. Ва мамнуният билан эълон қиламанки, одамларда вакциналарни синовдан ўтказиш пайшанба куни бошланади”, деди жаноб Хэнкок 21 апрел куни бўлиб ўтган брифингда.
Соғлиқни сақлаш вазирининг сўзларига кўра, COVID-19га қарши дунёдаги биринчи вакцинани ишлаб чиқиш учун барча кучлар жалб этилган.
“Имкон туғилиши билан биз вакцинани қўллашни бошлаймиз”, дея таъкидлади вазир.
Қўшимча 22,5 миллион фунт стерлинг Лондон Империал коллежида ўтказилаётган клиник синовларни молиялаштириш учун ажратилади.
Эслатиб ўтамиз, Оксфордда ишлаб чиқилган вакцина номи ChAdOx1 nCoV-19. Вазирнинг айтишича, вакцинани ишлаб чиқиш учун одатда йиллар керак бўлади, аммо ҳозирда параллел равишда ишлаб чиқариш корхоналари тайёрланмоқда ва синовлар муваффақиятли кечса, янги коронавирусга қарши вакцинанинг миллионлаб дозалари кузга қадар тайёр бўлиши мумкин.
Ушбу синовлар 6 ойни давом этиб, вакцинанинг хавфсизлиги ва самарадорлигини баҳолаш учун унда бир нечта одамлар иштирок этади.
Фармацевтика тармоғини ривожлантириш агентлиги матбуот хизмати
Кўпроқ янгиликлар бизнинг @Uzpharm_agency telegram-каналида
“Uzpharmagency” телеграм каналида эълон қилинган материаллардан нусха кўчириш, тарқатиш ва бошқа шаклларда фойдаланишда каналимиз манба сифатида кўрсатилиши шарт!
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81
Электрон манзил: farmagentlik@minzdrav.uz
Uzpharmagency расмий саҳифалари: