Яқин-яқингача ахборот технологиялари соҳасидаги халқаро компанияларнинг юртимиздаги фаолияти деярли кўзга кўринмаган десам адолатдан бўлади. Охирги икки йилда вазият ўзгаришни бошлади ва Яндекс компанияси халқаро мақомга эга бўлган компаниялардан биринчилардан бўлиб Ўзбекистон бозорига эътиборини қаратди.
"Яндекс" - бир неча мамлакатларда веб-қидирув тизимига, Интернет порталларига ва хизматларига эгалик қилувчи ахборот технологиялари соҳасидаги халқаро компания.
Ушбу компания, Ўзбекистон фойдаланувчилари учун янгидан-янги дастурий маҳсулот ва хизматларни тақдим қилаётгани ва қолаверса уларни ўзим синаб кўрганлигим сабабли бир нечаси ҳақида маълумот бермоқчиман.
https://yandex.uz/all - ушбу ҳавола орқали барча Яндекс хизматлари, иловалари ва дастурларини кўришингиз мумкин.
Тавсия қиладиганларим:
- Яндекс.Дзен. Мақолалар, расмлар, видеолар мавжуд хизмат ёки мобил илова. Дзен сизга мос келадиган мақолаларни танлайдиган ақлли алгоритмларга асосланган. Фильмлардан тортиб саёҳатларгача бўлган ҳар қандай мавзуни ўқинг, янги муаллифлар, машҳур блоггерлар ва таниқли оммавий ахборот воситалари томонидан ёзилган.
- Яндекс.Маркет (https://market.yandex.ru/). Россия интернет магазинлардаги нархлар. Техника, айниқса смартфонлар ҳақидаги фойдаланувчиларнинг шарҳлари жуда фойдали.
- Tas-ix сайтлари бўйлаб қидириш.
- Хариталар (https://yandex.uz/maps). Шаҳарда жойлар, транспорт қидириш ва навигация. Ўзбекистон учун энг яхши хариталардан, ўзим жойлар ҳақида одамлар ёзиб қолдирган шарҳларни ўқиб тураман, лекин рус тилида.
- Почта (https://mail.yandex.uz/). Спам ва вирусларсиз электрон почта қутиси. Жуда қулай ва тез, айниқса Lite версияси.
- Яндекс маҳалла (https://local.yandex.uz/). Танлаган худудингиздаги одамларнинг ҳар хил мавзулардаги муҳокамалари.
- Яндекс plus (https://plus.yandex.uz/). Мусиқа, КиноПоиск, Такси ва Яндекснинг бошқа хизматларига обуна
Дастлабки уч ой учун 599 сўм, кейин ойига 15 999 сўм.
- Яндекс таржимон (https://translate.yandex.uz/). Бу хизмат оддий сўзлардан ташқари сайтлар, ҳужжатлар ва ҳатто расмлардаги матнни таржима қила олади. Ўзбек тили, лотин ва кирилл алифбосида мавжуд. Хизматнинг Telegram боти: @YTranslateBot
- Яндекс.Деньги электрон ҳамён хизмати ҳам Ўзбекистонда фаолиятини бошлаган. Бу хизматдан интернет тўловларда фойдаланса бўлади. Ўзим, Google Play Маркет учун энди фойдаланиб кўрмоқчиман.