Гарчи, малика пойтахт Стокгольм шифохоналаридан бирида оддий тиббий ходим бўлиб ишлаётган бўлса-да, маъмурият унга фахрий раис лавозимини ажратди. Бу ҳақда “People” нашри хабар тарқатган.
35 ёшли сарой гўзали янги касбга киришишдан олдин онлайн-таълим тизими ёрдамида “Sophiahemmet” университети ҳузуридаги коллеж томонидан ўтказилаётган уч кунлик тезкор курсда таҳсил олди.
Дарвоқе, мазкур курслар эпидемия туфайли шифохоналарда тиббий ходимларга нисбатан ошган талаб натижасида махсус ташкил этилган.
“Малика кўнгилли тарзда оқ халатлилар зиммасига тушган улкан масъулиятни бироз бўлса-да енгиллатишга ҳисса қўшишни ният қилди“, — дейилади Қироллик оиласи матбуот хизмати тақдим этган ахборотда.
Тўғри, София бевосита беморлар билан ишламайди, балки уларга егулик тайёрлаш, тиббий асбоб-ускуналарни дезинфекция қилиш, хоналарни тозалашда шифокор ва ҳамшираларга ёрдам беради.
Швецияда ташкил этилган, тезкорлик билан кичик тиббий ходимлар тайёрлашга йўналтирилган махсус дастур профессионал ҳамширалар ишини енгиллатишни назарда тутади. Ушбу курсни ўтаганлар бевосита COVID-19га чалинган беморлар билан алоқага киришмайди.
Дарвоқе, Стокгольмдаги мазкур шифохона фаолияти... 1884 йилдан буён қироллик оиласи билан боғлиқ экан. Маълумотларга қараганда, ўша даврларда Швеция қироличаси ўз дастурлари асосида ҳамшираларни ўқитиш йўли билан касалхонага ҳомийлик қилган.
София шаҳзода Карл Филиппнинг рафиқаси бўлиб, уларнинг икки ўғли бор: шаҳзода Александр ва шаҳзода Гавриил.
UzA
Фармацевтика тармоғини ривожлантириш агентлиги матбуот хизмати
Кўпроқ янгиликлар бизнинг @Uzpharm_agency telegram-каналида
“Uzpharmagency” телеграм каналида эълон қилинган материаллардан нусха кўчириш, тарқатиш ва бошқа шаклларда фойдаланишда каналимиз манба сифатида кўрсатилиши шарт!
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81
Электрон манзил: farmagentlik@minzdrav.uz
Uzpharmagency расмий саҳифалари: