Унутчааксызбы? Буюмду кайсы жерге койгонуңузду эстей албай убара болосузбу? Маалыматтар бат эле башыңыздан чыгып кетеби? Көргөн киноңузду бат эле унутуп каласызбы, жадагалса жаңы таанышкан адамдардын аттарын эстей албай убара болосузбу? Демек сиздин эске тутууңуз начарлап кеткен. Бардык нерсени жакшыртса болот, а түгүл эс тутумду дагы. Азыр сизге кантип эске тутууну жакшыртып, унутчаак болуудан арылуунун жолдорун айтып беребиз.
Элестетиңиз
ске тутууну бирден бир жакшыртуунун бир бөлүгү бул-элестетүү. Мисалы дүкөндөн сүт алыш керектигин унутпаш үчүн сүт жөнүндө ойлонуп-элестетиңиз, сүт кантип жасаларын, жылуу сүттү ичип жатканыңызды, уйду саап жатканыңызды, иши кылып сүткө байланыштуу көп нерсени элестетип алыңыз алдын ала. Ушундай эле жол менен бардык нерсени унутпай тургандай болуп жаттап калсаңыз болот. Адамдар менен таанышып жатканда ал адам атын айтканда мисалы Асан болсо сиздин Асан деген тууганыңыз же таанышыңыз бар болсо ошолорду эстеп коюңуз. Ошондо унутуш кыйын болот.
Узун текст жатташ керек болуп жатабы? Анын ар бир сөзүн кайталап, кургак жаттоонун кереги жок. Текстти бир нече абзацка бөлүп алыңыз. Андан кийин сөздөрдүн маанисине карап аларды кино көрүп жаткандай эле элестетиңиз. Сөздөрдү жаттап жатканда үндү бийик чыгарып өзүңүзгө угулгандай болсун ошондо жакшы эстеп каласыз. Сандар менен да ушундай кылса болот. Узун сандарды 3кө 4кө бөлүп алып оңой эстеп калса болот. Жанагы телефон номер сыяктуу эле.
Дагы бир көнүгүү, бул бир буюмду колуңузга алып жакшылап караңыз, андан кийин көзүңүздү жумуп аны толук бойдон элестетип сүрөттөп чыгыңыз. Майда чүйдөсүнө чейин элестетиңиз. Бүткөн соң көзүңүздү ачып кайра буюмду караңыз эмнесин калтырып кеткениңизди табыңыз. Ошентип күндө ар башка буюмду алып кайталасаңыз болот.
Эс тутумду ошондой эле көздү жумуп алып же караңгы бөлмөдө жүрүп жакшыртса болот. Жалаң колдоруңуз менен сыйпалап жол таап, иш жасап күнүнө ушинтип 10-15 мүнөт аткарыңыз.