Karantin davrida va umuman boshqa kunlarda, masalan, vaqt va pulingizni sarflashni xohlamagan yoki o‘z qo‘llaringiz bilan nimadir qilish istagi paydo bo‘lgan paytda dolzarb
Akkumulator batareyasini tekshiring
Ishga ketayotgan chog‘ingizda hech nima “o‘tirib qolgan” akkumulatordek dilni xira qilmasa kerak! Sovuq kunlar o‘tgach, kam haydalgan bo‘lsa ham uni bir bor ko‘zdan kechirish foydadan holi emas.
Eshityapsizmi, o‘t oldirish qulfi bazo‘r aylanmoqda? Bu yana ozginadan keyin akkumulator quvvatsizlanib qolishidan darak beryapti. Oldinda yoz degani also uning o‘z-o‘zidan “sog‘ayib ketishi”ni bildirmaydi.
Batareyani almashtirish qiyin emas – ikki klemmalarni batareyaning kuzovdagi chiqish kontaktlaridan yechib olib, eskisini olib tashlab, yangisini o‘rnatasiz va mustahkamlaysiz. Klemmalarni batareyaning chiqish kontaktlaridan ajratib oling.
Avtoelon.uzning “Ehtiyot qismlari” bo‘limidan yangi akkumulator batareyasini qidirib ko‘ring. Hech qayerga bormaslik uchun uyga dostavka xizmati ilovasini toping. Ha, aytgandek, kafolat talonini so‘rashni unutmang!
Sotuvchiga maslahat: sotayotgan ehtiyot qismlaringiz haqida batafsil ma’lumotni e’loningizda yoriting: qanday avtomobillar va qanday rusum yoki brendlar uchun, qanchaga kafolat beriladi, narxini ham ko‘rsating. Shundagina xaridorni tezroq topasiz! “Ehtiyot qismlari” bo‘limida bir telefon raqami uchun 10 ta e’longacha bepul joylashtirishga imkon beramiz. Shunday e’lon saytda 4 hafta (28 kun) turadi.
Buyurtma berish uchun batareyangizning hajmi (masalan, 65 Ah / А·ч), boshlang‘ich tok kattaligi (benzinli dvigatellar uchun odatda 255 А) va o‘lchamini ko'rish kerak.
Akkumulator o‘t oldirish qulfini hech bir muammosiz aylantirayotgan bo‘lsa ham, vintli qisqichning holatini tekshirib ko‘ring. Vaqt o‘tishi bilan ular oksidlanadi va ustida oq qatlam paydo bo‘ladi.
Oksidlanish kontaktni sustlashtiradi, bora-bora bu dvigatelni ishga tushirish uchun yetarli bo‘lmay qoladi. Oddiy jilvir qumqayroq (наждачка)ni oling, vintli qisqichlarni uzib qo‘yib, ularning ustini qumqayroq bilan tozalang. Batareya kontaktlarini ham.
Salon ichini saranjomlash vaqti ham keldi.
Tashqarida havo ancha ilib qoldi, qishdan keyin salonni yaxshilab tozalashning ayni vaqti. O‘rindiqlarni sifatli kimyoviy tozalatish hammaning ham karmoniga to‘g‘ri kelavermaydi, lekin o‘rindiq jildlarini yuvish, torpedka, eshik va plastik bezaklarni tozalashning hamma ham uddasidan chiqa oladi.
Qishdan so‘ng o‘rindiq jildlarini almashtirish
Agar o‘rindiq jildlari bir necha yildan beri tutilayotgan va ba’zi joylari yirtilib ketgan bo‘lib, ularni yuvish behuda mehnat bo‘lsa – demak, almashtirish kerakmasmikin? Sizning avtomobilingiz uchun jild to‘plamini tanlash muammo tug‘dirmaydi.
Avtoelon.uz da shunday aksessuarlarni sotish bo‘yicha e’lonlar talaygina. Faqat eltib berishni kelishib olsangiz bas. Ular kuryerlik xizmati tomonidan taksida osongina yetkazib beriladi.
Poliklarni almashtirish
Avtomobil poliklari nafaqat qishda kerak bo‘ladi, ular ham vaqt o‘tishi bilan eskiradi. Tovon tagida teshik paydo bo‘ldimi – demak, almashtirish kerak, aks holda poyabzal zavodda qilingan pol qoplamasini ham teshib yuboradi.
Eng oddiy va hamyonbop universal poliklar rezina yoki tukli gilamchalardir. Ammo polik chetlari tepki (pedal)ga ilinib, ilashib halaqit bermasligi uchun albatta, o‘lchash kerak, chunki bu yo‘l halokati yuz berishiga sabab bo‘lishi mumkin.
Albatta, avtomobil ishlab chiqaruvchisi tomonidan taqdim etilayotgan gilamchalarni olish afzal yoki mashinangizga mos gilamcha uchun xususiy ishlab chiqaruvchilarga buyurtma bersangiz bo‘ladi.
Eng qimati – 3D- poliklari. Ular faqat oyoq ostini emas, balki butun transmission tonnel va ostonani qoplaydi. Odatda shunday rombik shakldagi bu poliklar ekocharmdan tayyorlanadi.
3D-sholchalarni ishlab chiqaruvchilar faqat buyurtma asosida ma’lum avtomobil va buyurtmachi didiga mos qilib uni uzog‘i bilan 3 kunda tayyorlab beradilar.
Aytgandek, ishlab chiqaruvchilar O‘zbekistonning istagan hududiga, eshigingiz tagigacha eltib beradilar. Siz haqini to‘lab, gilamchalarni (kovrik) to‘shab olsangiz bo‘ldi.
Konditsionerni tekshirish
Yaqin kunlarda havo harorati 30 C dan yuqorini ko‘rsata boshlaydi, shuning uchun mashinaning konditsioneri ishlayotganiga ishonch hosil qilish kerak. Mutaxassislarsiz amalga oshirish mumkin bo‘lgan eng oddiy tadbirlar:
- salon filtrining holatini tekshirish;
- konditsionerni yoqib, kompressorning ishlashini eshitib ko‘rish va kamar holatini tekshirish;
- sovigan havo haroratini o‘lchash;
Agar qog‘oz biroz changigan va qoraygan bo‘lsa, uni qoqib yoki shamol bilan puflab tashlashning o‘zi yetarli bo‘ladi. Agar juda chang bo‘lib ketgan bo‘lsa, almashtirgan afzalroqdir. Chang bosgan filtr bilan ventilatorning eng katta tezligida ham salqin havoni his etish qiyin. Agar o‘zingizda yangisi bo‘lsa, uni o'zingiz almashtirishingiz mumkin.
Havo filtrini almashtirish
Gap filtrlar haqida borar ekan, dvigatel kirish tizimidagi havo filtrini tekshirish zarurligini eslatish joiz. Odatda har 10 000–15 000 km masofadan keyin filtrni almashtirish tavsiya etiladi, lekin bizning sharoitimizda havoda ko'p miqdordagi chang va qum bo'lgani bois, tez-tez qarab turish kerak. Agar sizning mashinangiz shuncha kilometr bosib o'tgan bo'lsa, o'zgartirish vaqti keldi. Agar hali vaqti kelmagan bo'lmasa, filtr pardalari butunligini tekshirib ko'ring, filtrni puflab, filtr korpusini ichidan nam mato bilan artib oling.
Videoregistrator yoki antiradar o‘rnatish
Zamonaviy avtomobillarning elektronikasi murakkab, agar mutaxassis bo‘lmasangiz, ichini kavlashingizni maslahat bermaymiz. Ammo elektr simlarini ochmasdan va kavsharlagichsiz o'rnatilishi mumkin bo'lgan qurilmalar mavjud. Bu videoregistratorlar. Ular oynaga yopishqoq tasma yoki so‘rg‘ich yordamida o‘rnatiladi, sigaret tutatgich orqali yoqiladi.
Shunday jihoz va qurilmalarni sotish Avtoelon.uz da juda ommalashgan. Sotuvchilar videoregistratorlar bilan bir qatorda antiradarlarni ham tavsiya etadilar, ularni ham o‘zingiz o‘rnatib olishingiz mumkin.
Sotuvchiga maslahat: Mahsulotning barcha qurilmalari bilan bir e’lon berib, so‘ng har bir qurilmani alohida sifatli rasmi va tavsifi keltirilsa, maqsadga muvofiq bo‘ladi. “Ehtiyot qismlari” bo‘limida bir telefon raqami uchun 10 ta e’longacha bepul bosishga imkon beramiz. Shunday e’lon saytda 4 hafta (28 kun) turadi. Lekin orqani ko'rish kamerasini ulashni, avtomagnitola va akustikani o‘rnatishni esa professional elektrchilarga qo‘yib berish kerak.
👍 Agar ushbu maqola sizga foydali bo‘lgan bo‘lsa “layk” bosing. Bu bilan biz kelgusida nimalar haqida yozishimizni bilib olamiz!
🏡 Uyda qoling, Avtoelon.uz dan foydalaning. O‘zingizni ehtiyot qiling!