Қуёш, булут ва яна қуёш. Баҳор... Табиат нозланиб сизни бағрига чорлаётган бўлса... Уйда ўтиришни хоҳламайсиз. Тоза ҳаво дейсизда, эшикни очасиз, аммо... ТЎХТАНГ!
Бироз жиддийлашинг. Баҳор бўлса нима, нозланса нима, қўёш чиқса нима?! Ҳар баҳор ҳам шу бўлар такрор... Эсингизга тушган қўшиқ сизни аврамасин. Бу баҳор бошқача. Жуда бошқача... Унда булутлар патли ҳавони ютишдан бош тортди. Унда апрель на биринчи кун, на кейинги кун ҳам ёлғончилик қилмайди. Унда хатар, патли ҳавога кўринмас жодугардек ёйилди ва дунёни ваҳимага солди. Иложсизлик инсонни уйга қамади, иложсизлик юзимизга ниқоб тақтирди. Бу ниқоб айёрлик ниқоби эмас, бу ниқоб ҳимоя ниқоби. Шундай экан, ўзингизни ва яқинларингизни ҳимояси учун оғринманг.
“Бир бемор аввал ота-онасига юқтирган. Отасидан яна 36 ҳамкасбига коронавирус ўтган. Ҳамкасбларидан бири 4 нафар қариндошига юқтирган. Ундан ташқари яна мулоқотда бўлганлардан 3 кишига касаллик ўтган. Бир кишидан 46 нафар одамга коронавирус тарқаган” — бу шунчаки хабар эмас.
“Энг ёмони — тўрт нафар беморимиз ким билан учрашганини сир сақлаган. Фақатгина улар билан мулоқотда бўлганларда иситма чиққандан кейин биз буни биляпмиз” — сизнингча бу оддий ҳолатми?! Кимдан, нимани яширишга уринаяпмиз?! Бу севишганлар учрашувимиди?
Аслида, Ватанни севиш, ардоқлаш кимга муносиблигини биласизми? Унга фидоий бўлган инсонлар учун муносиб. Ватан ҳам уларни ардоқлайди, севади. Кечаю кундуз ҳарбийлар сизнинг тинчлигингиз учун ҳушёр, шифокорлар 24 соат тик оёқда, тадбиркорлар эл ғамида, дорихоналар хизматда, ўқитувчилар илм бериш йўлида, журналистлар уйғоқ, Президентимиз “Ўзбекистон” деган шу азиз юртни авайлаб, ҳимоя чоралари кўришдан толмайди. Сизчи...?
Сиз кимга, нимага содиқсиз? Келинг бирлашайлик. Шунчаки ўзимизни тафтиш қилайлик. Ўзимиздаги бепарволикни йўқотайлик. Уйда қолайлик, алдамайлик, сир тутмайлик. Азизларимизни, қадрдонларимизни асрай билиш қўлимиздаку. Ватанимизни севишда давом этаверайлик. Фақат уйда қолиб, бирга енгайлик, бу келган балонинг занжирини узиш ўзимиздаку.
Қуёш, булут ва яна қуёш. Баҳор бўлса нима, нозланса нима, қўёш чиқса нима?!
Тоза ҳаво дейсизда, эшикни очасиз, аммо... ТЎХТАНГ!
Кейинги баҳорни омонликда кутиб олиш учун ТЎХТАНГ!
Бу баҳор такрор бўлмаслиги учун ТЎХТАНГ!
УЙДА ҚОЛИНГ! УЙДА ҚОЛИНГ! УЙДА ҚОЛИНГ!
Наргиза Камалова. Журналист,
“Олтин қалам”
миллий мукофоти соҳиби.
Фармацевтика тармоғини ривожлантириш агентлиги Матбуот хизмати
Кўпроқ янгиликлар бизнинг @Uzpharm_agency telegram-каналида
“Uzpharmagency” телеграм каналида эълон қилинган материаллардан нусха кўчириш, тарқатиш ва бошқа шаклларда фойдаланишда каналимиз манба сифатида кўрсатилиши шарт!
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81
Электрон манзил: farmagentlik@minzdrav.uz
Uzpharmagency расмий саҳифалари:
Telegram | Instagram | Facebook | Youtube | Twitter