Брюс Панниер, Марказий Осиё масалалари бўйича эксперт, RFE/RL колумнисти:
“Марказий Осиё доирасида коронавирусга қарши саъй-ҳаракатларни мувофиқлаштиришга фаол ҳаракат қилаётган битта сиёсатчи бўлса, у ҳам Ўзбекистон Президенти Шавкат Мирзиёевдир”
Наврўз охирги йилларда Марказий Осиё учун алоҳида санага айланди. Чунки шу сана атрофида минтақа мамлакатлари лидерлари Шавкат Мирзиёевнинг БМТдаги ташаббусидан сўнг бир стол атрофида ўтириб, норасмий мулоқот қилишга келишиб олган эди. Дастлаб Астанада тўрт мамлакат, Тошкентда эса беш мамлакат раҳбарларининг, ўзбекча таъбир билан айтганда, “чойхонаси” бўлиб ўтди.
Афсуски, бу йил коронавирус сабабли ҳамма ўз дарди билан овора. Чегаралар тақа-тақ ёпилган, барча ўз билганича ва тушунганича офатга қарши курашмоқда. Марказий Осиё масалалари бўйича эксперт, RFE/RL колумнисти Брюс Панниер шу ҳақида мулоҳаза юритар экан, Ўзбекистон раҳбари Шавкат Мирзиёев ушбу танг вазиятда минтақада яна лидерликни ўз қўлига олганини қайд этади.
“Агар Марказий Осиё доирасида саъй-ҳаракатларни мувофиқлаштиришга фаол ҳаракат қилаётган битта сиёсатчи бўлса, у ҳам Ўзбекистон Президенти Шавкат Мирзиёевдир”, дейди у навбатдаги таҳлилий мақоласида.
Муаллифнинг қайд этишича, Ўзбекистон илк коронавирус инфекцияси 14 март куни, Қозоғистондан икки кун ўтиб аниқланди. 18 март куни Шавкат Мирзиёев Қасим-Жомарт Тоқаев билан телефонда мулоқот қилди, 20 март куни эса Элбоши Нурсултон Назарбоев билан телефонда вазиятни муҳокама қилди.
Шу йилнинг 18 ва 27 март кунлари эса Туркманистон раҳбари Гурбангули Бердимуҳамедов телефон орқали мулоқот қилди. 27 март куни Қирғиз Республикаси Президенти Сооронбай Жээнбеков билан ҳам телефонда гаплашди. Бир кун олдин эса Афғонистон Ислом Республикаси Президенти Муҳаммад Ашраф Ғани билан вазиятни атрофлича муҳокама қилишган эди. Фақатгина Тожикистон раҳбари билан мулоқот қилинмади, холос.
“Шавкат Мирзиёевга таҳсин айтиш керак, чунки у минтақа давлатлари саъй-ҳаракатларини мувофиқлаштириш борасида жуда катта ишни амалга оширди”, дея фикрини умумлаштиради Брюс Панниер.
Манба: Davletovuz
Фармацевтика тармоғини ривожлантириш агентлиги Матбуот хизмати
Кўпроқ янгиликлар бизнинг @Uzpharm_agency telegram-каналида
“Uzpharmagency” телеграм каналида эълон қилинган материаллардан нусха кўчириш, тарқатиш ва бошқа шаклларда фойдаланишда каналимиз манба сифатида кўрсатилиши шарт!
Манзилимиз: 100084 Тошкент шаҳри, Чингиз Айтматов кўчаси, 1-А уй.
Телефон: (998 71) 203-81-81
Электрон манзил: farmagentlik@minzdrav.uz
Uzpharmagency расмий саҳифалари: