Құлдық сана
Одаққа адал болған текті еліміз.
Кеңеске қанша еңбек етті еліміз.
Отқада кіріп шықтық одақ үшін,
Көмекке дер кезінде жетті еліміз.
Соғысып француз бен неміспенде,
Қаншама қанын төкті бектеріміз.
Ауғанғада бардық қой солар үшін,
Тисін деп үлкен досқа септеріміз.
Соғысып қанша ерлік көрсетсекте,
Бəрі бір тұрушы едік шеткері біз.
Марапат аз алсақта үндемедік,
Бүтін ғой деп əйтеуір шептеріміз.
Медальдің көбін аю иемденді,
Сондада қайтқан жоқпыз тек кері біз.
Біз алмай-ақ Мəскеуге жөнелтілді,
Қаншама астық,метал,еттеріміз.
Кеңеске керек болды шын мəнінде,
Маңдайдан аққан біздің тек теріміз.
Біздер дос болғанменен олар дұшпан,
Қамалды қанша қыран,кептеріміз.
Жазықсыз жаламенен атылды ғой,
Қаншама елді ойлар текті еріміз.
Жастарды аямады Желтоқсанда,
Айтылмай іште қалды кектеріміз.
Сондада сол бір тілде шүлдірлейміз,
Қалыңдап кеткеннен соң беттеріміз.
Фамилиясы қазақша адамдар аз,
Ұлы боп жатыр ептеп шеттеріміз.
Құлдық сана дегеннен құтылмаймыз,
Ов болып тұрған кезде тектеріміз.
ИСМАҒҰЛОВ САБЫРЖАН
